Европскиот ден за сеќавање на жртвите од тоталитарните и авторитарните режими (некаде познат како Ден на Меѓународната Црна Лента), кој се одбележува на 23 август, е воспоставен од страна на Европскиот Парламент во 2008/2009 година како „Големиот европски ден на сеќавање на жртвите на сите тоталитарни и авторитарни режими, сеќавање со достоинство и непристрасност “, а се одбележува секоја година и од страна на органите на Европската Унија од 2009 година наваму.
Воспостувањето на датумот 23 август е исто така поддржан и со Вилнусовата декларација.
23 август е избран начелно поради потпишувањето на договорот Молотов-Рибентроп преку кој Советскиот сојуз и нацистичка Германија се согласија на поделба на источна Европа, настан опишан од страна на претседателот на Европскиот Парламент во 2010, Јержи Бузек како „коалиција помеѓу најлошите форми на тоталитаризам во историјата на човештвото“.
Целта на овој ден е да се зачува споменот на жртвите од масовните депортации и истребувања, и промовирање на демократските вредности, со цел зајакнување на мирот и стабилноста во Европа.
По тој повод денес директорот на Институтот за национална историја на Република Македонија, Тодор Чепреганов, и професорот и претседател на Здружението на поранешни политички затвореници, Шпатим Положани ќе дискутираат на отворена дебата за оваа тема, со цел да ги охрабрат граѓаните, интелектуалците и академските експерти да се инволвираат во развојот на јавната дебата во Македонија.