BBC објави снимка со последици од нешто што личи на напалм бомба фрлена врз игралиште во едно училиште на северот на Сирија, во кој наводно загинале десетина деца, а многумина се здобиле со тешки изгореници.
Францускиот претседател Франсоа Оланд изјави дека воениот напад врз Сирија може да започне до среда.
Оланд во интервју за француски „Монд“ рече дека Франција сака против режимот во Дамаск да биде применета „остра и пропорционална“ мерка како одговор на нападот кој предизвика „непоправлива последици“ врз сирискиот народ.
На прашањето дали Франција би можела да започне напад без Британија, Оланд со одговор: „Да. Секоја земја има право да учествува или да не учествува во некоја акција“.
Шефот на германската дипломатија Гвидо Вестервеле ја отфрли можноста Германија да учествува во воениот удар.
„Се залагаме Советот за безбедност на ОН да изнајде заедничка позиција и дека инспекторите на ОН ќе ја завршат војната што побрзо“, изјави Вестервеле.
Британскиот парламент доцна синоќа се изјасни дека е против воена акција.
„Сами да ја нападнеме сиријската влада не е она што претседателот Барак Обама го посакува“, изјави американскиот државен секретар Чак Хејгел.
Ден порано, најблискиот сојузник, Велика Британија излезе од коалицијата. Состанокот на Советот за безбедност на ОН по прашањето за Сирија заврши во ќорсокак, а додека во Конгресот на САД сеуште се преговара за двоумењата околу евентуален напад.