Лидерите на четирите најголеми партии на денешната средба не постигнале договор околу клучните прашања кои треба да го одблокираат процесот на формирање на ДИК и потоа за одржување на референдум за Договорот со Грција и за интеграција на Македонија во ЕУ и НАТО.
-Самата ситуација докажува дека сите политички партии се заинтересиртани да се најде решение за надминување на разликите. Секако дека има разлики кај партиите, меѓутоа сите треба да се ангажираме да има успешна завршница на имплементацијата на Договорот постигнат со Грција. Бидејќи не се исцрпени сите опции останува да се разговара во наредните денови и очекувам сите да дејствуваат храбро и да не ја пропштиме оваа историска шанса, изјави лидерот на ДУИ Али Ахмети.
За Билал Касами од Движењето Беса, „државата е во многу критична фаза“ и затоа според нив интензивните преговори меѓу партиите се многу важни. Беса активно ќе придонесе овој процес да заврши со договор ДИК да се формира, а рефрендумот да биде успешен во однос на организацијата и за слободно изјаснување награѓаните за Македонија конечно да биде членка на НАТО И ЕУ, рече Касами по средбата.
Се очекуваат изјавите на премиерот Зоран Заев и на лидерот на ВМРО ДПМНЕ Христијан Мицкоски.