-Не станува збор за моја волја, туку во Деловникот нема таква можност, кажа Џафери.
Писмото од ВМРО ДПМНЕ со кое се бараше во Собранието да се обрати претеседателот на партијата, е вратено назад до испраќачот. Од кабинетот на Џафери велат дека не го добиле писмото, кое е вратено затоа што не било адресирано до претседателот на Собранието.
Неофицијално, писмото било адресирано до г-динот Џафери а не до претседателот на Собранието.Во писмото со кое ВМРО ДПМНЕ бара Мицкоски да се обрати на седницата се вели:
-Со оглед на фактот што во овие моменти во законодавниот дом се расправа за потребата од Уставни измени кои имаат суштинско влијание, политичката криза во која влегува нашата земја како и значајноста која овој период ја има за иднината на Република Македонија, како и со оглед на сензитивниот момент, вниманието и контраверзите што ја предизвика оваа дебата во јавноста, ВМРО-ДПМНЕ како најголема политичка партија која е во опозиција и чиј што претседател, проф. д-р Христијан Мицкоски не е пратеник, а со тоа е оневозможен пред народните преставници да ги изрази своите погледи и ставови кон ова чуствително прашање, испраќаме барање да се овозможи негово обраќање на тековната пленарна седница по однос на предложените уставни измени.
Ова право го овозможува Деловникот за работа на Собранието, каде согласно член 72, став 2 од Деловникот овозможува Претседателот на Собранието да (цитираме) “може да покани на седницата на Собранието да присуствуваат и во работата да учествуваат претставници и на други органи и организации, се вели во барањето од ВМРО ДПМНЕ до Собранието.
Собраниската седница следете ја во живо на следниот линк.