Вечерва во Лондон почина познатиот македонски драматург Горан Стефановски, на 66 годишна возраст.
Тој беше автор на „Диво месо“, „Лет во место”, „Дупло дно”, „Тетовирани души”, а добитник е на престижните награди: „Стале Попов“ „11 Октомври“, двапати на „Стериина награда” и шестпати добитник на наградата„Војдан Чернодрински“. Горан Стефановски беше и дописен член на МАНУ.
Горан Стефановски (роден во Битола, 27 април 1952) е македонски драмски писател. Завршил Филолошки факултет во Скопје, англиски јазик и книжевност. Студирал драматургија на театарската академија на Универзитетот во Белград каде што и магистрирал на тема „Сценските напатствија како основа на драматургијата на Семјуел Бекет“.
Горан е брат на гитаристот Влатко Стефановски.