Македонската медиумска сцена се збогатува со нов проект. „Слободен печат“ е новиот дневен весник чиј основач е Бранко Геровски. Весникот ќе чини 5 денари, а ќе започне да излегува некаде околу средината на наредната недела. Главен уредник ќе биде Героски, а негови заменици се Злате Лозановски и Жарко Јордановски, и двајцата поранешни уредниви во дневниот весник „Дневник“. Во уредничкиот тим се и Јасмина Апостолова , а на задните страници на „Слободен печат“ пред читателите повторно ќе биде популарниот Пецко на Дарко Марковиќ.
Во интервју за НОВА основачот Бранко Героски зборува за идејата на проектот и предизвиците со кои неговиот тим е соочен во време кога медиумскиот пазар и медиумската слобода „тешко дишат“.
-Нема дневни весници кои се ослободени од притисоците на власта и дневните центри на моќ. Тоа е нашиот мотив – ова нема да биде таков весник, овој весник ќе биде слободен од такви притисоци, вели Героски.
-Слободен печат ќе негува критички дискурс, критичко новинарство, но не револверашко новинарство, објаснува Бранко Героски.
Погледнете го целото интервју во видеата каде што Героски зборува опширно за проектот, но ги анализира и актуелните состојби на медиумската и политичка сцена.
