43.000 хронично болни бесплатно ќе добијат маски за заштита од аерозагадувањето. Министерот Филипче најави дека во моментот се прават пресметки колкав е бројот на деца на кои ќе им треебаат заштитни маски.
„Извлековме податоци дека имаме 43.000 хронично болни, а бројката на деца за кои се потребни маски се уште се утврдува и бараме начин како да им ги поделиме маските. Со Министерството за животна средина веќе утврдивме дека маските не го решаваат проблемот, но сепак се некаква форма на заштита“, рече утринава министерот Филипче.
Тој најави дека ќе настојуваат што побргу да се најде решение и да им се поделат маските на хронично болните и на децата.
Филипче маски за ризичните групи граѓани најави вчера, откако граѓаните масовно реагираа и на социјалните мрежи , Македонија беше четврта најзагадена земја во светот со загадување на воздухот 10 до 11 пати над дозволеното.
Не се знае кои хронично болни ќе ги добијат маските, односно како е направена селекцијата кога се знае дека во државата има околу 100 000 заболени од асма, не рачунајќи ги другите категории хронично заболени како што се луѓето со дијабетес, со ХОББ, и други тешки заболувања.