Викиликс објави видео снимки на Едвард Соунден за кои вели дека се првите откако тој е избеган во Русија. На снимките Сноуден е во добро расположение и зборува за тоа кои се опасностите кои и се закануваат на демократијата:
„Ако не можеме да ги разбереме политиките и програмите на нашите влади, тоа значи дека не можеме да го одобриме”, вели Сноуден во шесте куси видеа објавени во ноќта помеѓу петокот и саботата, 12 октомври, на Викиликс.
Во видеата Сноуден им се обраќа на четворица поранешни членови на американското разузнавање за време на една церемонија во Москва.
Последните слики на Соуден датираат од јули кога тој беше блокиран на аеродромот во Москва а потоа Русија му даде привремен едногодишен азил.
Четворицата поранешни американски агенти му предале награда за „интегритет во работата на разузнавањето”. Поранешен припадник на ЦИА тврди, пишува Виликилс, дека неговото задружение е “гордо поради одлуката на Сноуден да ја следи својата совест и да му даде приоритет на заедничкото добро а не да се грижи за својата иднина” и се надева дека и други ќе го следат овој пример откривајќи ги злосторствата кои се закана за граѓанските права на слободните граѓани.
На видеото Сноуден вечера со четворица американски поранешни агенти на место кое не е објавено.
„Луѓето насекаде во светот сфаќаат дека овие програми на шпионажа не донесуваат повеќе безбедност, дека тие ги ослабнуваат економијата, државите, ја ограничуваат нашата слобода на изразување, мислење, живеење и слободата на бидеме креативни, да имаме слобода на се здружуваме слободно”, им рекол тој на луѓето околу масата.