Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Истражување на Галуп: Ангела Меркел e најпопуларен политичар во светот

0
By Нова ТВ on January 31, 2019 ВЕСТИ
Фото: journalgazette.net
СПОДЕЛИ
Facebook Twitter LinkedIn Email
Published: Thursday, January 31, 2019 13:47

Истражувањето на агенцијата Галуп, спроведено во 57 земји низ целиот свет, покажува дека германската канцеларка Ангела Меркел е најпозитивно оценет лидер вo светот за 2018 година.

Според анкетата, 45 отсто од испитаниците имаат позитивно мислење за Меркел, а 31 проценти негативно, со што разликата изнесува +14 проценти. Оваа разлика, сепак, е за шест процентни поени помала отколку во истражувањето за 2017 година, кога за Меркел позитивно се изјасниле 49 проценти од испитаниците, а 29 отсто негативно (разлика +20 проценти).

Ланскиот шампион, францускиот претседател Емануел Макрон бележи пад на разликата  од 15 процентни поени – од +21 проценти во 2017 година, на само +6 лани. За Макрон во ова истражување позитивно се изјасниле 38 отсто од анкетираните, а 32 проценти негативно.

Натаму следуваат британската премиерка Тереза Меј со разлика од +3 проценти (35 отсто со позитивно мислење и 32 проценти негативно) и нејзиниот индиски колега Неранда Моди со разлика од +1 отсто (25 отсто со позитивно мислење и 24 проценти негативно).

Овие четворица политичари се и единствените со позтивна разлика во популарноста на глобално ниво.

Следниот на листата, киенскиот претседател Си Џинпинг има разлика во популарноста од -9 проценти (28 отсто со позитивно мислење и 37 проценти негативно), пред саудискиот крал Салман со -11 отсто (24 отсто со позитивно мислење и 35 проценти негативно) и турскиот претседател Реџеп Тајип Ердоган со разлика од -12 проценти (28 отсто со позитивно мислење и 40 проценти негативно).

Рускиот претседател Владимир Путин е осми на листата на популарност со разлика од -13 проценти (35 отсто со позитивно мислење и 48 проценти негативно), по него следува израелскиот премиер Бенјамин Натанјаху со -18 отсто (20 отсто со позитивно мислење и 38 проценти негативно), а топ десет листата ја заокружува иранскиот претседател Хасан Рохани со разлика од -20 проценти (18 отсто со позитивно мислење и 38 проценти негативно).

Американскиот претседател Доналд Трамп е дури 11 на листата на популарноста со разлика од -28 отсто, односно со 30 отсто позитивно мислење и 58 проценти негативно.

Во анкетата е поставено прашања и за мислењето за поглаварот на Католичката црква, папата Франциско, кој им разлика во популарноста од +28 отсто. За папата позитивно мислење имаат 51 отсто од анкетираните, а 23 проценти негативно.

Претседателот на Галуп, Канчо Стојчев оценува дека зголемувањето на тензиите ширум светот, придонесува за криза на лидерството.

– Многумина истакнуваат дека јазот меѓу елитите и масите достигнува нетолерантни нивоа и глобалниот поредок по Втората светска војна полека се распаѓа. Недовербата во политиката и во политичките системи е во пораст, а фундаменталното прашање не е како да се најде подобра застапеност на волјата на народот, туку како луѓето можат поефикасно да ги контролираат нивните избрани претставници, смета Стојчев.

Според него, решение може да биде „повеќе директна демократија“, што значи дека вистинското прашање што треба да се постави е како да се постигне тоа по „негативните искуства со францускиот и холандскиот референдум за уставот на ЕУ и предизвикот наречен Брегзит“.

Кога станува збор за испитаниците во Македонија, и тука се следи светскиот тренд на опаѓање на рејтингот на светските лидери. Речиси за сите светски лидери, испитаниците од Македонија дале повеќе негативни оцени.

Единствен исклучок се претседателот на Турција, Ердоган кај кого разликата е +30 проценти (55 отсто со позитивно мислење и 25 со негативно) и германската канцеларка Меркел со +24 отсто (55 отсто со позитивно мислење и 31 проценти со негативно).

Граѓаните на Македонија имаат подеднакво позитивно и негативно мислење за британската премиерка Меј со по 34 отсто (разлика нула), а по не следуваат Путин со -7 проценти (41 отсто со позитивно мислење и 48 проценти негативно), Макрон со -12 отсто (30 отсто со позитивно мислење и 42 проценти негативно) и кинескиот претседател Си со -17 проценти (19 отсто со позитивно мислење и 36 проценти негативно).

И во Македонија популарноста на Трамп е приближно колку и на глобално ниво. Така, позитивно мислење за Трамп имаат 32 проценти од анкетираните Македонци, а 58 отсто негативно, односно разликата изнесува -26 проценти.

Испитаниците во Македонија немаат позитивно мислење ниту за папата Франциск, па 28 проценти се изјасниле позитивно, а 37 отсто негативо (разлика од -9 проценти).

Со анкетата, во глобални рамки биле опфатени вкупно 48.745 лица, со што во секоја земја националниот примерок изнесувал околу 1.000 лица. Анкетата е спроведена во периодот октомври-декември 2018 година, со маргина на грешка од плус-минус три до пет проценти, со ниво на доверба од 95 отсто.

Во Македонија, биле анкетирани 1.212 испитаници на возраст од над 15 години, во периодот од 22 ноември до 6 декември 2018 година. Маргина на грешка е плус-минус три отсто, со ниво на доверба од 95 проценти.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.