ДСЗИ времено ја затвори на ПЗУ по пластична, реконструктивна и естетска хирургија „Др. Даскалов“ при контрола на вонреден инспекциски надзор. Од таму велат дека објектот е времено затворен со лента и изречена е забрана за вршење на здравствена дејност надвор од дадената дозвола од Министерството за здравство.
„Во вонредниот инспекциски надзор констатирана е промена во простор и кадар поради што е изречена забрана за вршење на здравствена дејност надвор од дадената дозвола на МЗ“, изјави др. Ирена Бухова, директорка на ДСЗИ.
Доктор Даскалов кој е познат пластичен и естетски хирург во својата ординација имал операциона сала која не била пријавена во дозволата за работа. Неофицијално, во ПЗУ„Др. Даскалов“ имало пријавено само медицинската сестра и тоа на одредено време од еден месец и еден општ лекар. Во моментот на надзорот не бил затекнат пациент, но доколку таму се вршат операции операционата сала треба да се легализира.
Правната служба во Министерството за здравство треба да даде отчет како е можно да се даваат вакви дозволи за работа.
Претходно ДСЗИ ги затвори ординациите ПЗУ за пластична и реконструктивна хирургија „ Др- сци мед. К. Митаноски и ПЗУ„Јанита“ и побара одземање на дозволите за работа. Токму во изнајмената сала на др.Митаноски, хирургот Звонко Николовски ја извршил операцијата на 38 годишен Булент Ибраим кој почина од сепса.
Од вкупно пет здравствени установи кои вршат хируршкадејност Скопје, ДСЗИ затвори вкупно три.
Во останатите две, ПЗУ Промедика Медикал центар и ПЗУ поликлиника зсо псецијалистичка дејност „Акус медикус др.Туџарова др. Караџинов не се констатирани никакви недостици во однос на законските прописи во надел на ДСЗИ.
ДСЗИ најави дека во наредните денови ќе врши вонреден инспекциски надзор во сите приватни општи и специјални болници од дејноста на хирургијата.