Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Брегзит без договор или одложување за една година

0
By Нова ТВ on March 13, 2019 ВЕСТИ
СПОДЕЛИ
Facebook Twitter LinkedIn Email
Published: Wednesday, March 13, 2019 09:44

Со синоќешното отфрлање на Договорот за истапувањето на Велика Британија од ЕУ од страна на британскиот Парламент, зголемена е неизвесноста за иднината на односите помеѓу ЕУ и Обединетото Кралство.

Според предвиденото, Велика Британија треба да ја напушти Европската Унија за само 13 дена, но за сега без никаков план. Парламентот во Вестминстер денеска ќе гласа за можноста за „Брегзит без договор“, опција која пратениците речиси со сигурност ќе ја отфрлат. Ако тоа се случи, утре пратениците ќе се изјаснат за одлагање на Брегзитот, што за сега се чини и единствено реално сценарио. Но, модалитетите на ова одлагање се непознати, а Брисел губи трпение.

– Топката сега е кај Британците, постојано од вчера повторуваат европските челници, но Брегзит ќе биде главна тема на дневниот ред на европските шефови на држави или влади на Самитот идната недела во Брисел.

Доколку британските пратеници утре гласаат за одлагање на Брегзитот, се очекува лидерите на ЕУ идната недела да ја прифатат оваа опција.

Претседателот на Европскиот Совет, Доналд Туск, веќе стави на знаење дека за тоа да се реализира, Британците ќе треба ригорозно да го оправдаат таквото барање, од причина што никој во ЕУ не гледа поента да се продолжи со иста динамика како до сега уште шест месеци или година.

Една година преговори

Брисел и Лондон повеќе од една година не можат да се усогласат за основните начела на Брегзит, кои потоа би овозможиле да се дефинира идното трговско партнерство помеѓу двете страни: Британците сакаат да излезат од заедничкиот пазар и царинската унија и да бидат во можност слободно да тргуваат со трети земји, бидејќи во ЕУ, трговската политика не е суверена.

Меѓутоа, за да можат тоа да го сторат, Британците не смеат да го стават во опасност единствениот европски пазар и слободата на движење.  Поради тоа решението се фокусира на ирскиот остров – составен од Република Ирска, членка на ЕУ и Северна Ирска, која е дел на Обединетото Кралство, кое треба да ја напушти Унијата – каде, од една страна не смее да се појави физичка граница, од економски и историски причини, а истовремено мора да се сочува интегритетот на слободниот европски пазар.

Прашањето е како да се контролира протокот на стоки, услуги и луѓе кои би влегувале на територијата на ЕУ преку ирскиот остров ако таму нема граница?

Евентуалното британско гласање за одлагање на Брегзитот не дава никакви гаранции дека двете страни ќе успеат да ги приближат ставовите ако си дадат дополнително време.

Друг проблем со одлагањето на Брегзитот се претстојните избори за Европскиот парламент, кои треба да се одржат од 23 до 26 мај. Доколку Велика Британија не ја напушти ЕУ пред тоа, таа ќе мора да учествува на овие избори, а европските институции веќе ги прераспределија британските седишта во Европарламентот на другите земји членки.

Европските челници не сакаат одлагање за само неколку месеци, со што не само што ќе се искомплицираат пресметките за Европскиот парламент, туку британските европратеници би ги задржиле своите седишта само додека не се финализира Брегзитот, а би добиле глас за суштински теми за иднината на Унијата како буџетот, проширувањето или пак трговијата.

Поради тоа, доколку стане збор за одлагање на британското истапување, станува сѐ поизвесно дека земјите членки на Унијата ќе бараат тоа да биде за значително подолг период од неколку месеци, опција која нема да им се допадне на поддржувачите на тврд Брегзит и на евроскептиците во Лондон.

Фараж- oдлагање за една година, Џонсон-договор во „пет до 12“

Најџел Фараж, еден од најголемите заговорници за Брегзит, изрази уверување дека излезот на Британија на Европската унија може да биде одложен за една година.

По гласањето во британскиот Парламент, кој по вторпат за неколку месеци го отфрли договорот што го постигна премиерката Тереза Мај со ЕУ, тој рече дека политичкиот хаос во Велика Британија и претстојните парламентарни избори во ЕУ го спречуваат брзото излегување.

– Да бидеме реални, ќе добиеме нов Европски парламент. Не гледам дека новата фаза во преговорите за Брегзит би можела да почне пред ноември. Затоа би рекол дека процесот за излез мора да биде одложен за една година, рече Фараж.

Велика Британија ќе ја напушти Европската Унија, како и што е предвидено, на 29 март, откако Лондон и Брисел ќе постигнат договор во „пет до 12“, изјави денеска поранешниот шеф на британската дипломатија и еден од најтврдокорните поддржувачи на Брегзит, Борис Џонсон.

Осврнувајќи се на денешното гласање во британскиот Парламент за усвојување на одлука за Брегзит без договор, Џонсон изјави дека таа опција ќе остане во игра дури и да не добие поддршка од пратениците.

– Можно е Парламентот симболично да гласа дека не сака договор, по што Обединетото Кралство, врз основа на Закон, ќе ја напушти ЕУ на 29 март, изјави Џонсон за радиото Ел-Би-Си.

Германија предвидува тврд Брегзит, ЕК е подготвена за одлагање

Но германскиот министер за надворешни работи, Хајко Мас, смета дека Велика Британија се доближува до излез од Европската унија без договор, истакнувајќи дека двете страни сега треба да се фокусираат на дефинирање на идните односи по Брегзит.

– Се разбира дека надеваме оти во следните 17 денови се уште ќе бидеме во можност да избегнеме „неуреден“ излез, рече Мас.

– Но сега мораме да почекаме и да видиме како ќе се развие политичката ситуација во Британија и не можеме да шпекулираме. Долниот дом на британскиот Парламент држи се во свои раце, рече шефот на германската дипломатија.

Државите членки на ЕУ се подготвени да разгледаат евентуално барање на Велика Британија за одлагање на британското истапување од Унијата, изјави синоќа портпаролот на Европската комисија, откако Долниот дом на Парламентот во Лондон вторпат го отфрли Договорот за Брегзит.

– Ако има основано барање од Велика Британија за одлагање на Брегзит, 27-те држави членки на ЕУ ќе бидат подготвени да го разгледаат и да донесат едногласна одлука, изјави портпаролот.

Хронологија на Брегзит

На референдумот на 23 јуни 2016 година, Британците одлучуваат да ја напуштат ЕУ по 46 години членство со поддршка од 52 отсто, додека 48 отсто се противат на напуштањето.

Конзервативниот премиер Дејвид Камерон, кој го распиша референдумот и водеше кампања да се остане во ЕУ, поднесе оставка. Тереза Меј, министер за внатрешни работи и приврзаник за останување во ЕУ, стана премиер на 13 јули 2016 година

На 17 јануари 2017 година, Меј ја објасни својата стратегија за Брегзит, велејќи дека Британија ќе го напушти единствениот пазар, што ќе  овозможи контрола врз миграцијата. „Без договор е подобро отколку со лош договор”, вели таа тогаш.

На 13 март 2017 година, британскиот Парламент ја овластува Тереза Меј да го активира Членот 50 од Лисабонскиот договор, со што почнува процесот на напуштање на Унијата.

Фото: Ројтерс

Со писмо до претседателот на Европскиот совет Доналд Туск, таа формално известува за намерата на Велика Британија да ја напушти ЕУ. Ова е почеток на 2-годишниот план за излез – напуштањето е закажано за 29 март 2019 година.

Меј распишува предвремени избори на 8 јуни 2017 година. Нејзиниот ризичен потег доведе до губење на мнозинството од нејзината Конзервативна партија, која беше принудена да побара поддршка од Демократската унионистичка партија на Северна Ирска.

Лондон и ЕУ постигнуваат договор на 8 декември 2017 година за три клучни теми – сумата што Лондон ќе ја плати при напуштањето на ЕУ, правата на граѓаните и границата со Ирска.

Лидерите на ЕУ даваат зелено светло за следниот чекор од преговорите за Bрегзит вклучително трговски односи по  „разводот“. Одлуката за напуштање на ЕУ станува закон на 26 јуни 2018 година.

На 6 јули 2018 година, Тереза Меј доби поддршка од нејзиниот Kабинет да преговара за „слободна трговска зона со ЕУ”. Два дена подоцна, министерот за брегзит Дејвид Дејвис поднесе оставка. Друга клучна фигура во владата – министерот за надворешни работи, Борис Џонсон, исто така, поднесе оставка на 9 јули.

На 13 ноември Кабинетот на Меј објави дека преговарачите постигнале нацрт-договор за напуштање на ЕУ. На 14. ноември, владата го поддржа договорот по неколку часа вжештена дебата. Следниот ден, четворица министри, меѓу кои и новиот министер за брегзит, Доминик Рааб, поднесоа оставка во знак на протест против договорот.

Лидерите на ЕУ го одобрија договорот на 25. ноември.

На 10 декември, Меј го одложи гласањето во парламентот, а лидерите на ЕУ одбиваат понатамошни преговори. На 12 декември, пратениците на Конзервативната партија, незадоволни од водството на партијата Тереза Меј, сакаат да гласаат за доверба за лидер на партијата. Таа „победува“ со 200 гласови против 117.

На 15 јануари Парламентот конечно гласа за нејзиниот договор со ЕУ, но го отфрли со 432 гласови наспроти 202 гласови – најлошиот пораз за владата во модерната британска историја.

Лидерот на опозициската Лабуристичка партија, Џереми Корбин, повика на гласање за недоверба на владата на 16 јануари. Кабинетот „преживува“  со 325 гласови, а Тереза Меј ветува дека ќе соработува со опозицијата за да најде компромис за брегзит.

На 29 јануари, британските пратеници гласаа за враќање на Меј назад во Брисел за повторно преговарање за заштитната клаузула, сугерирајќи дека така договорот би можел да помине во парламентот.

ЕУ соопштува дека за договорот не може повторно да се преговара.

На 12 март Парламентот повторно ги отфрли со 391 глас против 242 дури и откако Меј соопшти дека преговарала со Брисел за промена на најспорните клаузули за нив.

Од денешното гласање зависи дали Британија заминува од ЕУ без Договор. Но доколку пратениците ја отфрлат и оваа опција, тие утре ќе гласаат за одложување за најмалку  три месеци.

Британија пред 4 сценарија: Нови преговори, тврд Брегзит, пад на Владата или референдум

 

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.