Здружението за заштита на животните „Анима мунди“ во соработка со Општина Карпош денеска напладне пред трговскиот центар „Сити мол“ организира акција за вдомување домашни миленичиња кои се вакцинирани.
За да вдомат милениче заинтересираните граѓани треба да имаат документ за лична идентификација.
„Анима мунди“ ќе постави и едукативен штанд за инфомирање за ризиците од присуство на отровни материи во урбана средина, согласно со меморандумот што ова здружение го потпиша со општината Карпош.