Двајца од тетовчаните кои се затруја со отровни печурки починале вчера попладне на Клиниката за токсикологија. Станува збор за татко и син, кои заедно со останатите шест членови од семејството јаделе од една од најотровните печурки на овие простори, Аманита кои сами ги береле. Таткото и синот шест дена се бореа за живот. Од Клиниката за токсикологија велат дека направиле се за да се спасат нивните животи. Останатите шест члена од поширокото семејство од Тетово мегу кои и пет месечното бебе заздравуваат по труењето од печурките.
-Здравствената состојба на останатите шест членови на семејството се подобрува изјави доктор Андон Чибишев директор на Клиниката за токсикологија.
Осумчленото семејство во неделата јадело од отровните печурки кои се многу слични на шампињоните, по што беа донесени на Клиниката за токсикологија.На нив им беше променета целокупната крвна плазма и беа третирани со против отрови.
Инаку, ова е едно од најмасовните труења со печурки, а лекарите апелираат граѓаните да бидат особено внимателни во сезоната кога масовно се берат.