ЕУ најави изградба на мрежа транспортни патишта низ своите земји членки, мрежа во која не се наоѓаат Македонија, Србија, Косово, Албанија и Босна и Херцеговина. До 2020 година овие балкански земји ќе бидат опкружени со мрежа од девет транспортни коридори кои ќе ги поврзат истокот и западот на Европа. За оваа цел ЕУ ќе одвои 26 милијарди евра помеѓу 2014 година и 2020 година.
К вели дека оваа инфраструктурна политика ќе се претвори во автопатишта, железници, аеродроми и канали кои ќе претставуваат унифицирана транспортна мрежа наречена Тен-Т.
Сим Калас, комесарот задолжен за транспорт изјави дека “транспорот е витален за европската економија, без добри транспортни врски Европа нема да расте и да просперира”. Тој додаде дека оваа нова инфраструктурна политика ќе биде градена во сите 28 земји членки со што ќе донесе раст и компетитивност.
Овие коридори ќе ги има девет: два север-југ, три исток-запад и четири дијагонални. Тие ќе ги подобрат врските помеѓу различните транспортни средства и ќе придонесуваат и за исполнување на климатските цели на ЕУ.
Целата мрежа треба да биде завршена до 2030.
Транспортната мрежа ќе за подджуваат и серија регионални и национални патишта што значи дека мрежата ќе биде достапна насекаде во ЕУ. Целта е до 2050 година сите граѓани на ЕУ да патуваат до мрежата за не повеќе од 30 минути. Патувањата ќе станат побезбедни, побрзи и со помалку сообраќајни гужви.
Според планот мрежата ќе се состои од 94 европски пристаништа со железница и патни врски, 38 аеродроми поврзани со железница, 15.000 км пруга за голема брзина и 35 преку гранични проекти за да се редуцира бројот на тесни грла.
Мрежата ќе се гради и во Хрватска, Бугарија и Романија. Балканските земји кои се уште не стасале до членство во ЕУ остануваат без овој проект.