Понекогаш наречена мајка на сите теории на заговор, потрагата по вистината за убиството на Џон Ф. Кенеди на 22 ноември 1963, и понатаму ги „мачи“ одреден дел од Американците.
Според некои скептици, Ли Харви Освалд не би можел да ги испука сите три куршуми, и се обидуваат да ги објаснат мотивите како „одмазда“ на Куба поради обидот на Кенеди да го нападне Комунистичкиот остров, а според други, се работи за заговор на ЦИА која сакала да ги запре амбициите на Кенеди кој сакал да стави крај на студената војна.
Пред пет години, „Discovery Channel“ собра експерти за судска експертиза уште еднаш да ги испита доказите, симулирајќи ја и поворката и пукањето (кон кукла-Кенеди) од различни локации, вклучувајќи го и местото кај Дијли Плаза од каде што некои сведоци тврдеа дека слушнале пукање од огнено оружје.
Иако тимот не можеше да утврди дека Освалд е стрелецот, наодите се поклопуваат со теоријата дека истрелите доаѓаат од прозорецот на шестиот кат во зградата на Тексашкиот депозитар за книги, каде што Освалд и работел.
Роберт Холмс, во својата нова книга „Шпион како ниеден друг“, тврди дека Освалд веројатно бил единствениот револвераш, но дека оперирал под наредба на непријател во рамките на КГБ, кој го напаѓа Кенеди за неговиот успех во кубанската ракетна криза.
Генерално, Американците сметаат дека тој ден САД ја губи невиноста. Убиен беше претседателот кој важи за најобожаван во американската историја. Оцените, пак, за неговите дела се контроверзни, но не докрај, со забелешка дека беше лидер кратко време (илјада дена), што е спорно дали воопшто и може да се вреднува прецизно неговата улога.
На американските владини згради денеска ќе бидат поставени знамиња по повод одбележувањето на 50-годишнината од смртта на претседателот Џон Кенеди. Обама во четвртокот изјави дека одбележувањето на годишнината е „одбележување на трајниот печат што Кенеди го остави во американската историја“. Џон Фицџералд Кенеди е роден во богато и влијателно семејство од Бостон, и е најмладиот избран и првиот претседател католик. Тој беше убиен во Далас, на 22 ноември 1963 година.