Адвокатот на Катица Јанева кажа дека е изненаден од денешната одлука на Обвинителството за организиран криминал и корупција да ја прошири истрагата за „Рекет“ и со Јанева и да се бара притвор за неа.
„Вчера Јанева беше повикана во својство на сведок и се што бараше Обвинителството за организиран криминал за „Рекет“ таа одговори„ рече нејзиниот адвокат пред Кривичниот суд каде треба да започне распитот на Јанева по што ќе се знае дали ќе и биде определен притвор.
„Јанева е човекот кој гледаше либерално на притворот. Таа е единствената која дозволуваше куќен притвор, враќање на патните исправи.Погледнете ги одлуките на Одделението за организиран криминал – тие нмеаа такво искуство, но ете тоа некој и го зема за зло. Таа е жртва во случајот и ќе го докажеме тоа“ рече Павлески.
Поради смртта на мајка и на Јанева која почина утринава, адвокатот Павлески кажа дека е „хумано да и се дозволи на Јанева да замине уште вечерва во Гевгелија“.
Мајка и на Јанева ќе биде погребана утре во Гевгелија.
Обвинителката Вилма Русковска, одговарајќи на новинарско прашање на прес конференцијата, кажа дека „смртта на блзиок човек во смејетсвото, нема да влијае врз барањето за притвор“.
Во врска со коментарите дека имало судир на интереси што Јанева ја брани истиот адвокат што го брани Панделевски во случајот Империја, Павлески кажа дека Панделевски не е главниот лик во Империја, туку тоа е Камчев.
„Моите млади колеги адвокати сакаат да бидат славни и создаваат анимозитет околу Катица Јанева – крвожедни до крај “ рече Павлески.
Катица Јанева е уапсена за злоупотреба на службена положба за случајот „Рекет“.
Јанева донесена во Кривичниот суд