„Средбата не вроди со никаков резултат“, ова го изјави премиерот Никола Груевски кој објасни дека бил соочен со ултиматумот на СДСМ за одржување на предвремени парламентарни избори заедно со локалните.
Тој рече дека сакал да разговара за прочистениот избирачки список и препораките на ОБСЕ, но биле соочени со ултиматум.
На прашањето дали би можело да има втора лидерска средба, Груевски рече „не бегам од никакви средби особено ако треба да помогне на некому да излезе од ситуацијата во која што се нашол“.
Тој кажа дека локални избори ќе има и според него СДСМ ако не оди на избори има и друга опозиција која што ќе излезе на локалните избори.
Според Црвенковски опозицијата нема намера да отстапи од условите кои што беа поставени за одржување на фер и демократски избори.
Тој нагласи дека доколку нема никоаков договор, опозицијата продолжува со протестите по улиците, а во врска со името рече дека доколку постои некаков договор, а опозицијата не е во Парламентот, тогаш Груевски ќе ја понесе сета одговорност.
Црвенковски рече дека од условите кои што беа поставени за одржување на фер и демократски избори опозицијата нема намера да отстапи.