Едногалсно без ниту еден глас против од присутните пратеници, Катица Јанева е разрешена од функцијата шеф на СЈО. За разрешувањето на Јанева гласаа 102 пратениици.
Јанева е разрешена за несовесно, незаконско и нестручно работење. Претседателот на Собранието Талат Џафери ќе го достави Извештајот за разрешувањето на Јанева до Советот на јавни обвинители кој исто така треба да констатира дека Јанева е сменета.
Таа е осомничена дека посредувала во Рекет односно дека му го олеснила статусот на осомничениот бизнисмен Јордан Камчев во случајот „Империја“ за што прибавила материјална корист. Јанева веќе 2о дена е во притвор во Шутка.
Со разрешувањето на Јанева, престанува мандатот и на останатите обвинители во СЈО. Претседателот на Советот на Обвинители за НОВА рече дека не сака да ја прејудицира одлуката, но напомена дека во Законот пишува дека по зваршувањето на мандатот, обвинителите се враќаат во Обвинителствата каде што работеле пред СЈО.
Советот на обвинители го чека исходот со Јанева за да одлучи за обвинителите
Седницата за разрешување на Јанева траеше еден час и говореа само координаторите на пратеничките групи и Илија Димовски како претседател на Комисијата за избори по чиј предлог за разрешување одлучуваше Собранието.
Јован Митрески координаторот на СДСМ рече дека нема договор за новиот Закон за Јавно обвинителство затоа што ВМРО ДПМНЕ предводени од Мицкоски сакаат да запрат сите истраги на СЈО.
„На граѓаните им е јасно кој сака да го заштити криминалот и да нема истраги. Средбите за новиот Законот за обвинителство не успеваат затоа што СДСМ сака истрагите да продолжат, а ВМРО ДПМНЕ тие да запрат. Прифативме и опозицијата да предложи обвинител за да се продолжи со истрагите, но вие и тоа го одбивте.Прифатете го предлогот па да видиме дали СДСМ стравува од Рекет или Мицкоски дејствува по диктат на менторот од Будимпешта“ рече Митревски.
Координаторот на пратеничката група на ВМРО ДПМНЕ Никола Мицевски кажа дека СДСМ ја закопала правдата.
„ Флоскулите правда, правдина, владеење на правото транспарентноста, право мора да има ги закопавте длабоко во земја. Постапките и штитењето на истрагите од Рекет ве прават соучесници во криминалот и целата оваа криминално обвинителска рекетарска афера. Самото тоа што во секој говор го спомнувате Христијан Мицкоски го покажува стравот од него и ВМРО-ДПМНЕ и од она што следува во наредниот период рече Мицевски.