Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Сослушувањата на еврокомесарите почнуваат на 30 септември-ЕПП стои зад Трочањи

0
By Нова ТВ on September 18, 2019 ВЕСТИ
Фото: news.err.ee
СПОДЕЛИ
Facebook Twitter LinkedIn Email
Published: Wednesday, September 18, 2019 13:44

Сослушувањата на кандидатите за еврокомесари во Европскиот Парламент ќе се одржат од 30 септември до 8 октомври. Европратениците се подготвуваат за жестоки размени со некои од кандидатите, меѓу кои и Унгарецот Ласло Трочањи, назначен за проширувањето.

Кандидатите назначени од новата претседателка на Европската Комисија, Урсула фон дер Лејн, ќе одговараат на прашањата на европратениците три часа, а Парламентот треба да гласа за севкупниот состав на Комисија на 23 октомври.

Пратениците не гласаат за секој комесар одделно, но ќе имаат време да ги поднесат своите забелешки и, доколку некои кандидати се неприфатливи, предвидено е време меѓу 8 и 23 октомври за сослушувања на евентуалните нови кандидати.

Во екипата на новата претседателка повеќе имиња се проблематични, во нив спаѓа и Ласло Трочањи кому му е доделен ресорот „проширување и соседска политика“, на местото на Јоханес Хан.

Трочањи, кој е поранешен министер за правда во владата на Виктор Орбан, е архитектот на некои од најконтроверзните судски реформи во Унгарија поради кои Будимпешта се најде во судски спор со Европската Комисија. Оттука, на неговото сослушување, европратениците ќе бараат гаранции за неговата независност во однос на Орбан. Освен тоа, се очекува да му бидат поставени прашања за азилот на поранешниот македонски премиер, Никола Груевски. Проблем може да се појави и околу влошените односи на владата на Орбан со Украина, чиј влез во НАТО Унгарија го опструира, соопшти деновиве Европскиот совет за надворешни работи.

Но, засега, иако партијата на Орбан е суспендирана во своето европско политичко семејство, Европската народна партија (ЕПП), претседателот на групата во Европарламентот, Манфред Вебер, вчера побара да му се даде шанса на Трочањи „да нѐ убеди“.

– Имаме специјална ситуација со Унгарија затоа што владејачката партија Фидес сѐ уште е суспендирана од ЕПП, и кога ЕПП ќе се состане за неколку недели Виктор Орбан нема да има право на збор таму. Сепак, ќе дадеме фер проценка за унгарскиот кандидат и ќе му дозволиме да се претстави. Тој беше член на Венецијанската комисија десет години, а Орбан има право да номинира кандидати, изјави од Стразбур Манфред Вебер.

Во Брисел интензивно се шпекулира дали Фон дер Лејн намерно го назначила Трочањи на место на кое е сигурна дека Европскиот Парламент ќе го отфрли и со тоа би избегнала конфронтација со Орбан, чии европратеници ќе и бидат потребни кога ќе се гласа за целиот состав на новата Комисија.

Додека пак други извори сметаат дека Европскиот Парламент нема да го одбие Унгарецот од причина што има попроблематични кандидати, како Полјакот или Романката.

Јан Војчеховски, кандидатот на полската владејачка партија назначен за комесар за земјоделство, е под истрага на антикорупциското тело на ЕУ, ОЛАФ, поради финансиски злоупотреби за време на неговиот мандат како европратеник.

Рована Плумб од Романија се споменува во корупциски скандал со недвижнини во нејзината матична земја.

Наводи за корупција го оцрнуваат и предлогот на француската кандидатка, Силви Гулар, предложена од партијата на Емануел Макрон, која е под истрага и во Франција и во ЕУ за фиктивни вработувања во време на нејзиниот мандат како европратеничка. Освен тоа, обелоденето е дека за време на тој мандат прифатила десетици илјади евра месечно од американски тинк тенк, Институтот Бергруен. Сослушувањето на Гулар се очекува да биде едно од најжестоките.

Белгискиот кандидат, Дидие Рејндерс, исто така, од редовите на либералите, би можел да наиде на тешки прашања за време на сослушувањето поради последните обвинувања за перење пари од страна на поранешен вработен во белгиското разузнавање.

Конечно, освен Плумб, социјалдемократите би можеле да имаат проблеми и со нивната португалска кандидатка, Елиса Фереира. Според извори во Парламентот, ЕПП се подготвува да ја „нападне“ Фереира поради нејзиниот сопруг, кој е претседател на регионална комисија задолжена за распределување на европските фондови, а Фереира е назначена за комесарка за кохезија и реформи, што значи дека ќе биде одговорна токму за регионалните европски фондови, што би претставувало конфликт на интереси. Сепак социјалдемократите смируваат дека сопругот на Фереира претседава со јавно тело и нема никаков личен интерес.

Европскиот Парламент треба деновиве да ги потврди роковите на сослушувања и да ги прецизира датумите за секој од кандидатите за еврокомесари.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.