Обдукцијата на Пол Вокер која беше изведена во вторник откри дека Вокер почина поради трауматски и термални (термални се однесува на повреди од горење или хемиски супстанци како последица на експлозија) повреди минатата сабота, во фаталната сообраќајна несреќа во Валенсија, Калифорнија, објави Си-Ен-Ен.
Роџер Родаз, бизнис партнерот на Вокер, кој управувал со колата Порше Карера ГТ во времето на несреќата, почина поради повеќебројни трауматски повреди.
Во меѓувреме, властите изјавија за магазинот Пипл дека Вокер и Родас возеле со брзина над 144 км, кога нивното Порше удрило во улична сијалица, две дрва и знак кој укажувал дека во таа област има ограничување на брзината на возење на 70 километри.
Извори блиски до Вокер и Родас тврдат дека механички дефект е најверојатно причината за несреќата. Земајќи во предвид дека компанијата Порше понекогаш става црни кутии во нивните коли, инспекторите можат да најдат црна кутија во возилото и во тој случај многу повеќе детали за случајот ќе бидат откриени- вклучувајќи ја брзината на возење за време на несреќата, дали патниците биле врзани со ремен и други релевантни информации во врска со автомобилот пред и по судирот .