На левата страна на Вардар фирмата “Фаланга Дим” почна да ја поставува првата античка галија. Местењето на конструкцијата на првата од предвидените четири галии ги задржа погледите на граѓаните повеќе од вообичаенто.
На некои им личи на брод, на други воопшто не им е јасно што се прави, трети, пак, очекуваат дека со него можеби ќе пловат до Грција. Има такви на кои им се допаѓа и такви кои мислат дека на антиката ќе и помине модата.
На овој брод во барокно-антички стил (тежок за дефинирање) треба да му се придружат и други бродови. Бродовите ќе претставуваат угостителски објекти. Новоформираната фирма “Фаланга Дим ДООЕЛ” Скопје победи на тендерот за концесионери на бродовите.
Нејзин управител е познатиот скопски фризер, Давор Андреевски, во чија сопственост е студиото Диор од Автокоманда. Коментарите на граѓаните и снимките од монтажата на првата скопска галија, погледнете ги во видеото.