Со зборовите ,,Ни згасна земјоделството, ни згасна сточарството, очекуваме од Вас да ги промените работите на подобро‘‘, жителите на општина Илинден го пречекаа тимот на СДСМ предводен од потпретседателот Ванчо Узунов, кој денеска ја презентираше програмата на неговата партија пред жителите на село Мралино, село Кадино и населба Илинден во општина Илинден.
Жителите на овие населени места се пожалија за неисплатените субвенции и големата сиромаштија.
Потпретседателот Узунов ги презентираше мерките кои ги нуди новата програма на СДСМ.
,,Субвенциите ќе бидат доделувани праведно, навремено и на вистинските земјоделци‘‘, нагласи Узунов.
Тој исто така ги презентираше и останатите мерки од земјоделската политика од новата програма на СДСМ. Бенефицираниот стаж за земјоделци, ослободување од персонален данок на доход за нив, зелена нафта, инвестиции во системите за наводнување и ред други мерки.
Потпретседателот Узунов на жителите им посочи дека кога СДСМ ќе дојде на власт, Владата ќе застане на нивна страна и им вети дека нема повеќе да биде искористуван нивниот труд, а тие ќе живеат далеку подобро и подостоинствено.
Во рамки на посетата тимот на СДСМ оствари средби и со пензионерите. Потпретседателот Узунов им ги презентираше мерките за пензионерска потрошувачка кошничка, која ќе се изедначува со трошоците на живот.
Жителите на општина Илинден ја охрабрија опозицијата да продолжи со напорната работа за да дојде до промени, а со тоа напредок и просперитет на државата.