ВМРО-Народна партија, го повикува Градоначалникот на Прилеп ,Марјан Ристески и пратениците од Прилеп,Панче Дамески, Димитар Стеванаџија, Ане Лашкоска и Горан Сугарески, исто така и тутунските здруженија, да излезат по откупните пунктови на овластените откупувачи да ја видат вистинската слика.
„Да видат како се откупува нашиот овогодишен род по трета класа од 135,00 денари и четврта класа со цена од 55,00 денари, што значи уништување на земјоделците и обезвреднување на нивниот труд“, изјави Горан Јорданоски, член на централниот комитет на ВМРО-НП.
ВМРО-НП бара под хитно Министерот за земјоделие да изврши вистински притисок врз комбинатите за реален откуп и проценка според официјалните мостри и укинување на четврта класа во проценката на тутунот.
ВМРО-НП предупредува доколку не им се помогне на тутунарите во откупот на нивниот тутун да се проценува испод класа и цена, дека власта ќе се соочи со големи социјални немири, штрајкови и блокади од страна на тутунарите и нивните семејства на кои егзистенцијата и нивниот опстанок е загрозен и доведен во прашање.