Ситуацијата останува сложена, а сите натамошни сценарија се оптоварени од главната непозната, а таа е колку ќе трае пандемијата. Во моментов адекватна е поставеноста на државата и ефективна е соработката меѓу надлежните служби во справување со ситуацијата. Стриктно се спроведуваат препораките на СЗО и со мали исклучоци, мерките се почитуваат од граѓаните, изјави шефот на државата Стево Пендаровски, по седницата на Советот за безбедност посветена на вонредната состојба за Ковид- 19.
Во мометнов нема потреба од поригорозно ограничување на движењето, бидејќи, како што рече Пендаровски, со ова ниво на мерки се постигнуваат добри резултати.
„Не разгледуваваме воведување на поригорозни мерки, затоа што во моментот нема потреба од тоа. Земјава во однос на тестираните, заразени и починати не е под нивото на земји членки на ЕУ, па дури е и понапред во позитивна смисла“, рече Пендаровски.
Најногу страда еконимијата, порача тој. Потребни се серија мерки и одговорни чекори, а прибегнување кон најрадикални решенија ќе има само во крајна нужда. Ова беше четврти состанок на Советот за безбедност посветен на предизвиците со коронавирусот, а до истекот на вонредна состојба ќе има уште најмалку една седница.
„Тешките денови не се зад нас. Апелирам да бидеме смирени, одговорни и солидарни, излегувајте од дома само кога е неопходно“, рече Пендаровски.
Одговарајќи на новинарски прашања тој рече дека ја поддржува одлуката на Владата сите државни функционери, меѓу кои е и тој, во следните два месеци да земаат минимална плата, додавајќи дека бил против предлогот на минималец да оди целиот јавен сектор.
„Сметам дека мерката да земаме 14.500 денари плата во следните два месеци, е добра мерка. Сметам дека сите носители на државна функција треба да покажеме солидарност во следните месеци. За економијата периодот ќе биде многу тежок. И не само овие два месеци, се разбира доколку биде неопходно мерката и да биде продолжена“, рече Пендаровски, нагласувајќи дека доколку Владата предложи укинување на целиот паричен надомест за именуваните функционери тој таа мерка ќе ја поддржи.
На седницата, покрај постојаните членови на Советот, на покана на претседателот Пендаровски, присуствуваат и началникот на Генералштабот на Армијата, генерал-потполковник Васко Ѓурчиновски, директорот на Агенцијата за разузнавање, Еролд Муслиу, директорот на Агенцијата за национална безбедност, Виктор Димовски, гувернерката на Народната банка, Анита Ангеловска-Бежоска, заменичкат
Министерот за внатрешни работи Наќе Чулев, не присуствувал поради здравствени проблеми. На состанокот била дополнителниот заменик министер Славјанка Петровска.




