Мајка и четиримесечно бебе од Кочани се хоспитализирани на Клиниката за инфективни болести позитивни на коронавирус. Со потешка клиничка слика на Инфективна клиника се 20 пациенти, а седум се во критична состојба. Во затворот во Шутка почина притвореник со КОВИД -19
Четиримесечното бебе од Кочани кое е хоспилализарано со мајката нема потреба од кислородна поддршка, вклучен е педијатар се следи неговата здравствена состојба, информира на прес-конференција министерот за здравство Венко Филипче.
„Бебето е со лесна форма на анемија, во добра здравствена состојба без потреба за респираторна поддршка. Се следи од педијатар особено во делот на имунолошкиот статус за текот на примање на вакцините понатаму, рече министерот за здравство Венко Филипче.
Тој информира дека наИнфективната клиника се примени пет нови пациенти во изминатите 24 часа, со што вкупниот број е 68 хоспитализирани. Со потешка клиничка слика се 20 пациенти, а седум се во критична состојба.
Во болницата „8 Септември“ има 25 пациенти, пет од нив се во тешка состојба и приклучени на вештачка вентилација. Во болницата во Битола има четири пациенти, тројца се во стабилна состојба, а на еден му е потребна кислородна поддршка. Во Штип, пак, сите четири пациенти се во стабилна здравствена состојба.
Вчера во затворот во Шутка почина притвореник за кој министерот Филипче информира дека починал од срцев удар, немал симптоми и немал висока температура, меѓутоа после обдукацијата земен е брис и утврдено е дека тој е позитивен на коронавирус.
„Во затворот е примен на 8 март, немал никакви симптоми, ниту висока темтература. Се прави епидемилошка анкета и се изолираат луѓето кои биле во контакт со него“, изјави Филипче.
Во домот за стари лица Сју Рајдер во Битола, на 18 март е примено едно лице позитивно на коронавирус. Таму ДСЗИ превзема мерки за ставање под контрола и дезинфекција на објектот.
„Поради висока температра и симптоми на коронавирус направен е тест кој е позитивен. Земени се брисеви на сите лица во собите како и на дел од персоналот, а дадени се препораки и за темелно чистење на просториите. ДСЗИ понатаму постапува за овој случај и целиот тек на давање на услугите таму“, изјави Филипче.
Во изминатите 24 часа се регистрирани 46 нови случаи, позитивни на коронавирусот. По градови: Скопје –12, Куманово – 13, Прилеп – 8, Тетово -1, Струга – 2 , Велес – 8, Кочани – 1, Пробиштип – 1.
Во изминатото деноноќие направени се 341 теста. Од нив преку ИЈЗ-194, преку Ветеринарен факултет –8, Авицена –19 , Биотек –24 и Фипил Втори (Жан Митрев) –96. Досега во земјата се направени 6.571 тестирања на Ковид-19.
Министерот информира дека според проценките 1/5 од заболените со КОВИД-19 се асимптоматски и тешко е да се утврди изворот на заразата и заради тоа е примената на социјална дистанца. Тој нагласи дека сега сме во фаза на рестриктивни мерки на движење и постепено се подготвуваме после периодот на пикот на болеста, да се вратиме во нормален тек на животот.
„Тоа нема да биде истиот тек на живот, секогаш постои можност да се појави нов пик. Планираме да се состанеме со Стопанските комори и да се договориме како ќе започнат да функционира и стопанството, да се направи тоа внимателно за после да не се соочуваме со нов пораст на заболени. Ние сме се поблиску до целта, ова е сериозен влог во здравјето, здравствените работници во ниту еден момент не отстапија. Ова е тежок период, убавото време тешко се издржува внатре, но со секој ден стануваме се посилни и постепено нашиот живот ќе се врати во нормала“, рече Филипче.
Министерот Филипче најави дека за велигденските празници движењето ќе биде ограничено исто како за викенди, односно граѓаните ќе бидат во целосен карантин. Тој нагласи дека за луѓето кои имаат потреба од лекарска помош, болните со карциноми кои примаат хемотерапија, за нив нема рестрикции во движењето. И понатамус е продолжува со иста стратегија, ќе им се пристапи на сите случаи кои имаат потреба од тестирање, но масовно тестирање на населението нема да има.
На прашање на НОВА, дали понатаму остануваат на ставот дека 14 дена во самоизолација се доволни,а при тоа нема задолжително тестирање бидејќи има непотврдени случаи каде што се покажале позитивни на тестови направени во приватни лаборатории, Филипче со одговор:
„Тоа е мислење на Комисијата за заразни болести, кај асимптоматски носители на вирусот не можеме да знаеме што се случува, овие мерки досега се покажаа како добри“, рече Филипче.
Во Министертвото за здравство денеска се отворени понудите за набавка на респираторни машини, а во тек е постапка за набавка на 3000 реагенси и друг неопходен медицински материјал. Филипче нагласи дека е објавена сметката за донации на веб страната на Министертвото за здравство каде досега се собрани 60 милиони денари, за што тој им се заблагодари на донаторите. Сите средства ќе бидат искористени за купување на медицински материјали и апарати кои се потребни за справување со вирусот.