Меѓународната фудбалска федерација одлучи да му дозволи на Косово да игра пријателски наптревари со другите членови на федерацијата но под неколку услови. За претседателот на косовската федерација Фадил Вокри ова е голем успех.
Пред неколку месеци фудбалската федерација одлучи да им дозволи на екипите на млади и на жен да играат пријателски натпревари но машката селекција беше блокирана. Причината за тоа е што федерацијата очекуваше да ја добие согласноста на Србија за да му дозволи на Косово да игра.
Во условите што се поставени пред Косово е забраната да се истакнуваат национални симболи на знаме или да се пее химна. Ова пред две години го имаше предложено и косовската федерација. Вториот услов е дека косовската репрезентација нема да може да игра со ниту една репрезентација од поранешна Југославија за да се избегнат несакани тензии.
По одлуката српските изјави најавуваат дека највисоките власти во Белград го дале своето зелено светло. Оваа одлука се смета за дел на нормализацијата на односите помеѓу Белград и Приштина започната со договорот постигант во Брисел на 19 април 2013 година.
Конечното членство на Косово во Меѓународната фудбалска федерација ќе може да се случи кога Косово ќе стане членка на Обединетите Нации.
“Токму од тие причини репрезентациите како Швајцарија или Албанија не треба да се грижат за губење на нивните играчи. Според меѓународната агенда Косово ќе игра еден или два натпревари годишно како што тоа е случај со Каталонија, Баскија или Корзика, а играчите кои веќе се наоѓаат во странски екипи ќе мораат да бараат дозвола од нивната федерација за да играат со дресот на Косово”, вели Балканскиот гласник кој додава дека би било убаво да се гледа натпревар со Шакири, Џака, Бехрами и Јанузај.
Според овој медиум, веќе се зборува дека првиот натпревар би можел да се игра на 5 март но се уште не се знае со која земја.