(вознемирувачки снимки)
Тројца некогашни истражители за воени злосторства објавија извештаи со кои ја теретат сириската влада дека од почетокот на војната вршеле мачења и екзекутирале 11.000 затвореници.
Истражителите прегледале над илјада фотографии на мртви затвореници кои биле шверцувани од Сирија.
Најголем дел од нивниот извештај, долг 31 страница, се темели на материјали кој ги приложил пребеган некогашен полициски фотограф, познат под името Цезар. Тој прошверцувал околу 55.000 дигитални фотографии на кои се некои 11.000 убиени сириски затвореници.
Цезар рекол дека работата му била да ги фотографира телата, што овозможувало издавање на потврда за смртта и било доказ за извршената егзекуција. На семејството на убиениот би му било кажано дека причина за смртта е „срцев удар“ или “проблеми со дишењето“, посочуваат истражителите.
„Некогаш имаше по 50 тела за фотографирање, а за секое тело ми беа потребни 15 до 30 минути“, изјавил Цезар. Голем дел од убиените беа млади мажи, мноштвото многу слаби, телата на себе имаа траги на мачење, пишува Гардијан, кој со SNN прв дошол до извештајот. Се наведува дека на некои од жртвите им биле ископани очите, на други се гледаат траги на гушење или убивање со електрична струја.
Истражителите потпишани како Дезмонд де Силва, поранешен главен обвинител во судот на Сиера Леоне, Џефри Најс, некогашен главен обвинител во случајот на Слободан Милошевиќ и Дејвид Крејн поранешен обвинител во случајот со либискиот претседател Чарлс Тејлор во судот за Сиера Леоне.
Овие материјали ќе го зголемат притисокот врз сирискиот претседател Башар ал-Асад кого Вашингтон и ЕУ го обвинуваат за извршени воени злосторства против сопствениот народ, експертите наведуваат дека овие докази се подетални и побројни од било што друго коешто досега се појавило од војната во Сирија.
Стикот со прошверцуваните фотографии Цезар и го предал на својата врска во Сириското национално движење кое го поддржува Катар.
Извештајот се доставува во ОН, владите и организациите за човекови права, а објавувањето се случува непосредно пред почетокот на Женева 2, мировната конференција за Сирија која утре почнува во Швајцарија.