Во центар на град во станбена зграда се наоѓа единствениот пункт во Струмица во кој се земаат брисеви за Ковид. Просторијата каде што се земаат брисеви е на општината, а внатре се вршат услуги за потребите на Центарот за јавно здравје при Здравствениот дом.
Во зградата има осум станови чиј влез е на само неколку метри од влезот на пунктот. Станарите од зградата и околните куќи, како и таксиститите кои се лоцирани тука реагираат бидејќи надор секојдневно чекаат луѓе за брисеви кои се потенцијални носители на вирусот. Особено што доаѓаат и пациенти за контролни брисеви, кои се позитивни на вирусот.
Иако влезот на пунктот каде што се земаат брисеви е од надвор, станарите на зградата со број 39 на улица„Димитар Влахов“ се загрижени и бидејќи, како што велат, луѓето доаѓаат во контакт со пациентите кога поминуваат од тука, некогаш го грешат влезот, а често седат и на скалите во нивниот влез.
Станарите се вознемирени и уплашени бидејќи како што велат се претежно стари луѓе, хронично болни, а таму живее и девојка со еден бубрег за која велат е особено ризично ако дојде во контакт со вирусот. Тие бараат пунктот да се дислоцира бидејќи како што велат, преставува опасност не само за станарите и за околните куќи, туку и сите граѓани бидејќи е на фрекфентна улица. Во писмото наменето до надлежните веќе се потишани 40 граѓани, станари од зградата и околните куќи, како и таксистите.
“Луѓето чекаат надвор и пред нашиот влез, некогаш седат и на скалите во влезот. Влезот од вратата на пунктот е одалечен само 4 метри и тука некогаш има многу луѓе што чекаат за земање на брисеви. Во влезот сме стари и хронично болни луѓе, има и девојка со еден бубрег и за неа е особено ризично.
Ние сме исплашени и не се чувствуваме безбедни. Згора на се илјадници луѓе поминуваат по оваа улица и се мешаат со луѓето кои чекаат пред пунктот за брисеви за Ковид,“, велат за НОВА, станарите од зграда на улица „Димитар Влахов“ 39.
Веднаш до зградата се наоѓа и католичката црква која е посетувана од многу луѓе. Ова е единствениот пункт каде се земаат брисеви за Ковид, а тука освен од Струмица и околината доаѓаат и пациенти од Валандово, Радовиш, Штип, Куманово, кога таму нема слободни термини во„Мој термин“.
Како може да се види од првото видео и медицинската сестра на излегување од пунктот не носи заштитна маска додека ги носи брисевите во возилото.
Од спротивната страна е општата болница и Брзата помош. Станарите велат дека доколку пунктот не се дислоцира ќе бидат принудени на порадикални мерки, да излезат на протест и да го блокираат влезот на пунктот.
НОВА го контактираше директорот на Здравствениот дом во Струмица, д-р. Петре Витанов кој е надлежен за Центарот за јавно здравје. Тој смета дека пунктот не преставува опасност за станарите ниту за граѓаните кои поминуваат од тука бидејќи луѓето што чекаат носат маски и ракавици. Но, смета дека е поризично доколку пунктот биде сместен во здравствена установа бидејќи пациентите што доаѓаат за брисеви може да го згрешат влезот и да се помешаат со другите пациенти.
„Нема никаква опасност по станарите ниту по граѓаните бидејќи луѓето што доаѓаат за брисеви носат маски и ракавици, така им е кажано, а се се дезинфицира внатре. Тоа се потенцијално суспектни случаи, но доаѓаат и за контролни брисеви по 14 дена изолација, тие што се позитивни.
Згора на се ова не е толку фрекфентна улица, на 1,5 киломатар е од центарот на градот. Сметам дека е најсоодветна локација бидејќи од спротивната страна е Брзата помош и општата болница, така што ако на некој од нив му се слоши веднаш да се интервенира. Опасноста е поголема доколку пунктот е во здравствена установа бидејќи може да го згрешат влезот и да се помешаат со другите пациенти“, изјави за НОВА, директорот Витанов.
На прашањето зошто медицинската сестра која ги носи брисевите до возилото не носи маска, д-р.Витанов со одговор дека сталакот со брисеви е дезинфициран и не преставува никаква опасност. Тој рече дека медицинските лица внатре се со скафандер, а пред да излезат го соблекуваат и го фрлаат бидејќи е контаминиран.
Директорот д-р.Витанов рече дека е расположен да организира средба со станарите на која ќе биде присутен и градоначалникот на Струмица за да им објаснат зошто не треба да се плашат и дека нема никаква опасност по нивното здравје.
Како ќе се реши овој случај и дали ќе се произнесат и другите надлежни институции во здравството , останува да се види. Струмица е голем град со повеќе здравствени објекти и за граѓаните кои не контактираа е невообичаено брисеви за Ковид да се земаат во станбен објект лоциран до улица каде поминуваат луѓе.