Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Ќути, непријатно ми е

0
By Нова ТВ on November 28, 2020 ВЕСТИ
Мојата приказна не треба да се раскаже; мојот наратив е лажен и нему не треба да му се верува. Исто како што жртвите на силување се обвинувани дека лажат. А не тие што навистина лажат: силувачите.
СПОДЕЛИ
Facebook Twitter LinkedIn Email
Published: Saturday, November 28, 2020 10:32

Неодамна имав средба со мало друштво во кое беше присутен мој пријател од пред петнаесетина години. Одамна се немавме видено, и во меѓувреме очигледно е дека двајцата сме се развиле во различни правци, па сега веќе немаме многу заеднички разговори освен кои серии сме ги гледале. Со нас беа уште двајца пријатели, и тие мажи. Во еден миг, зборувајќи за себе и за моите стравови и ограничувања во јавниот простор, спомнав за предизвиците што жените ги имаат при движењето надвор од домот, и како постојано сме во навикнат грч штом излеземе надвор. Мојот пријател од раната младост преврте со очите и презриво воздивна. Другите двајца молчеа и чекаа да помине непријатниот миг кој божем јас го создадов.

Не ми е првпат да добијам ваква реакција кога ќе споделам искуство за моето секојдневие како жена. „Пак фураш феминистичка пропаганда“ или „Аман со тој феминизам“ се чести фрази на напад како одговор на забелешки што го нарушуваат чувството на комфор и пријатност на мажите, кои, замислете, се соочуваат со тоа што значи едноставно да живееш како жена во патријархално општество. Всушност, чувството на комфор, или пак неговото одземање – значи чувството на непријатност – излегува многу повредно од постојаното чувство на непријатност, страв и закана со кои жените се соочуваат во нивното секојдневие (ако ви е непријатно и не знаете за што зборувам, проверете ги исповедите во #сегакажувам#каденеодам во Македонија како и хрватскиот пандан #ženeujavnomprostoru).

Го соочив мојот поранешен пријател со тоа што ми го направи: дека неговoто моментално чувство на непријатност во тој миг го стави на повредна позиција од моето постојано чувство на непријатност (патем, истиот тој пријател пред многу години ми купи солзавец, во случај кога ќе се враќам дома навечер да ме нападне манијак, имајќи предвид дека тоа се случуваше. Солзавецот ми е во ранец, кој додека пишувам стои позади мене). Му реков дека со тоа всушност се обидува да ме замолчи и не ми дозволува да ја раскажам мојата приказна. Не му беше пријатно, но ете, ми „дозволи“ да продолжам да создавам непријатна ситуација со тоа што му раскажав што ми се случи две недели претходно.

Беше топла вечер и со другарка ми низ центар пешачевме 20 минути до нашиот омилен бар. Градот беше прилично празен поради пандемијата. Сепак, јас и мојата пријателка се движевме по добро познати патчиња, избегнувајќи ги темните места и таму каде што во минатото сме имале непријатности со довикувачи или манијаци. Како и да е, во текот на тие 20 минути, во центарот на градот, четирипати ни беше свиркано и довикувано од орди мажи или пак мажи зад волан (во еден случај, автобус од јавен превоз. Искуства со возачи на автобуси и со возење во автобус имаме многу). Во случај некого да го интересира, двете бевме облечени во долги црни широки фустани.

Мојот пријател од раната младост ми рече нешто во стилот на „извини ама јас такви луѓе не познавам“, сакајќи да каже дека тој не познава и не сретнал луѓе што напаѓаат девојки на улица, вербално им дофрлуваат, или се насилни со нив на физички начин. Со тоа повторно ме стави мене во позиција на некој што или а) лаже б) преувеличува за да добие внимание в) е луда. На таков начин, моето искуство како жена едноставно е безвредно. Мојата приказна не треба да се раскаже; мојот наратив е лажен и нему не треба да му се верува. Исто како што жртвите на силување се обвинувани дека лажат. А не тие што навистина лажат: силувачите.

За среќа, наративот е веќе во рацете на жените и овој процес е неповратен. Мојот пријател од младоста кој мисли дека има добри намери и има заборавено дека ми купил солзавец за да се заштитам од луѓето што не ги познава, има методи кои нам веќе ни се познати и не не’ замолчуваат. Затоа, методот „ќути за да не ми биде непријатно“ веќе не функционира. Па така, искрено се надевам дека на некого му создадов непријатност во текот на читањето на овој текст.

Румена Бужаровска е авторка на четири збирки раскази; нејзините збирки раскази се преведени и објавени во Хрватска, Србија, БиХ, Црна Гора, Словенија, Италија, Унгарија и во САД. Таа е книжевен преведувач од анлиски на македонски јазик и е вонредна професорка по американска книжевност на Филолошкиот факултет во Скопје. Таа е и коорганизаторка и коавторка на вечерите на раскажување на женски приказни „ПичПрич“.

Текстот е преземен од опкружување –  платформа отворена и достапна за сите оние од регионот таканаречен Западен Балкан, чии гласови заслужуваат внимание и кои сакаат со своите текстови, видео записи и други формати да го изнесат својот критички поглед, да понудат нови идеи и видувања за сите случувања во соседството.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.