Сценаријата за развој на украинската криза се застрашувачки но сепак засега тешко е да се претостави дека САД и НАТО ќе влезат во војна за Украина. Западните силе располагаат со мерки кои се уште има шанси да го спречат радикализирањето на однесувањето на Москва.
Леон Арон, истражувач и експерт за руската надворешна полтика во неговата анализа насловена “Како да се разбере стратегијата на Путин за Украина? ” вели дека во наредните денови по телефонскиот повик на Обама и изјавата на НАТО ќе следат изјави од шефови на држави на ЕУ и НАТО со предупредувања за последиците на руската инвазија на Украина.
Таквите изјави ќе потенцираат дека Русија ризикува изолирање од светот – економски, политички, културно – со катастрофални резултати за луѓето од Руската Федерација.
Дефинирањето на “последиците” ќе следи во приватни телефонски разгвори како оној кој Обама го имаше со Путин со напомена дека она што денеска е приватно може утре да стане јавно. Во овие “приватни” разговри на руското раководство ќе му се укаже на ризиците за членството на Русија во групата најразвиени Г 8, потоа на ризиците за безбедноста на финансиските и други средства на руската елита кои се наоѓаат надвор од Русија како и проблемите кои би настанале доколку членовите на оваа елита и нивните семејства бидат спречени да ја посетуваат, живеат или студираат во САД и ЕУ.
Не помалку важно, смета Леон Арон во својата анализа која ја пренесе СИ ЕН ЕН, е укажувањето дека однесувањето на Москва би можело да предизвика нова контрола на извозот од Русија , кој со оглед на нејзината зависност од западна технологијата, особено во секторот нафта и гас , како и во прехранбената индустрија , може да има многу негативно влијание врз руската економија.