Министерот за здравство Венко Филипче најави дека од среда се отпочнува со вакцинирање на граѓаните според возрасни групи бидејќи според него заклучно сo утрешниот ден ќе биде заокружена имунизацијата на приоритетни случаи што се одвива во салата Борис Трајковски. Според информациите на министерот до сега се имунизирани околу 25 илјади лица.
Филипче додава дека од вакцината Спутник на располагање има уште 20 илјади дози. Тој посочи дека вакцинацијата со останатите вакцини на Спутник од среда ќе се одвива исто како што се одвива вакцинацијата од почетокот односно по вакциналните пунктови.
Министерот Филипче испрати апел до сите граѓани да се пријават на сајтот за вакцинација „vakcinacija.mk“ за да сите податоци на пријавените граѓани влезат во системот Мој Термин и на тој начин да бидат регрутирани.