Откако се појавија информации за наводно трошење на министерот, Арјанит Хоџа на државните пари за храна и кафиња во висина од 22.794 евра во изминативе шест месеци, односно 210 евра на ден, министерот излезе со став на својот официјален ФБ профил:
„Кога ме напаѓат п(а)орталите на ВМРО-ДПМНЕ со невистинити написи што првично ги објавија нивните албански полтрони во опозиција, можам да заклучам дека јас како министер и целиот мој тим сме на вистинскиот пат во управувањето со институцијата.
На клеветите и дезинформациите што се шират дека јас како министер сум потрошил 22.000 (според полтроните на ВМРО) или 23.000 евра (според нивните газди од ВМРО) за кафе и храна, ќе одговорам утре преку објава на транспарентен извештај за секој трошок настанати од 1 јануари 2021 година до 31 март 2021 година!“
Порталот Шкип медиа, објави дека министерот Хоџа трошел државни пари во бифето „Концепт БАР“, кој го добил тендерот од македонската Влада.