Откако пред неколку дена бројот на новозаразени се движеше од 1200 до 1400 лица дневно, министерот за здравство Венко Филипче денеска истакна дека има намалување на бројот на новозаразени во земјава.
„После тој мини-пик што беше пред неколку дена, денеска имаме намалување на бројот новодијагностицирани од корона вирусот и бројката е нешто под 900 лица. Тоа значи дека мерките се добри, а со тоа се олеснува и работата на здравствените работници“, истакна Филипче.
Министерот смета дека вакцинацијата засега оди добро, дневно се вакцинираат по 1.500 граѓани, а штом стигнат дополнителни вакцини, бројот на дневно ниво ќе се зголеми
– Во два часот денеска ќе се сретнеме со претставници на здравствените домови во шест града, за да договориме, ваква слична вакцинација (како во салата „Борис Трајковски“). Тоа се градовите Куманово, Штип, Кавадарци, Битола, Охрид и Тетово, изјави Филипче и додаде дека досега не се фрлени вакцини, без оглед што има граѓани кои се пријавиле, а не дошле да се вакцинираат .
Филипче изјави и дека во овој момент не ни треба нарачка и не се потребни дополнителни вакцини.
Засега имаме нарачано 2,6 милиони вакцини – вели Филипче.
Сепак, тој се состанал со директорката на белградски Торлак, која му укажала на можноста од кај нив да се нарачаат вакцини, затоа што приоритет се земјите во регионот да се снабдат од оваа фабрика