Во Главниот град Скопје и во првиот квартал годинава се бележи ниско ниво на ПМ10 честички, а Скопјани дишат почист воздух. Аерозагадувањето бележи пад во споредба со истиот период претходните години. Државните мерни станици за месеците, јануари, февруари и март покажуваат праволиниски пад на нивото на штетен воздух.
Групирањето на податоците, посебно на квартално и годишно ниво, овозможува исклучување на приликите како метеоролошки влијанија, кои што на месечно ниво може да ја компромитираат сликата.
До сега, највисоки вредности биле измерени во 2017 година кога имало дури 365.5 ПМ10 μg/m3. Од тогаш, вредностите се во постојан пад. Дополнително, покрај постојаниот пад, доколку се вратиме само неколку години наназад, ќе видиме дека нивото на ПМ10 μg/m3 за само 4 години паднало речиси три пати.
Ако до пред неколку години Скопје беше градот кој се наоѓаше на врвот на листите на најзагадени градови, оваа година може да се пофалиме со 380 то место, според „IQair“ и покрај тоа што оваа година ги немавме оние вонредни мерки кои беа спроведувани од страна на Град Скопје со цел да се влијае врз квалитетот на воздухот.