„Снимките од 24-ти декември минатата година не беа многу охрабрувачки, но јас сум оптимист дека политичкиот проблем ќе се разреши“, вели евроамбасадорот Аиво Орав, во интервју за Радио Слободна Европа.
„Доколку постои проблем важно е да се верификуваат сите факти и да се разјасни што се има случено, какви правила и процедури биле прекршени, што се случило зад сцената, што се случувало претходно и што се случува по настанот„ вели Орав.
За тајната посета на Штефан Фуле и неинформирањето од нивната канцеларија Орав смета дека тоа не било во функција на шпекулациите туку обратно.
„Да, пред извесно време комесарот Штефан Фуле заедно со Стефано Санино беа тука пред некое време. Во право сте, не беа дадени доволно информации пред посетата, но тоа беше со цел да се избегнат шпекулациите пред посетите.
– Околу тоа зошто дојдоа овде, добро знаете дека Европскиот совет и земјите членки ја инструираа Европската комисија да го подготви летниот извештај, а комесарот дојде овде за на политичките лидери да им ја објасни важноста на извештајот, како и важноста за надминување на тековната политичка криза“, вели тој.
Амбасадорот Орав истакнува и дека е потребен е политички дијалог. „Лидерите треба да се соберат, да разговараат едни со други и да одлучат како ќе се оди напред“.