Претседателот на СДСМ, Зоран Заев попладнево го посети мултиенички Гостивар, соопшти СДСМ. Средба со граѓаните од населеното место Дутлок а потоа на градскиот пазар, каде поразговара со минувачите и пазарџиите.
Сите не мачат истите проблеми, доста трпевме, чекаме промени, коментираа луѓето.
Потребен ни е вистински претседател, Стево Пендаровски е тоа што и треба на нашата заедничка земја. Но тоа не е доволно. На Македонија и треба и нов премиер и нова влада кои ќе се грижат за граѓаните, не само за исполнување на своите интереси. На народот му треба Зоран Заев, народен човек, како сите нас, кој ги разбира нашите маки, посочи еден од пазарџиите.
„Ве уверувам дека промените ќе дојдат. Сите, без разлика на вера и нација, го чувствуваме тоа и веруваме дека Македонија ќе го фати вистинскиот пат со нова Влада и нов политички концепт. Подготвен сум да ја превземам одговорноста како иден премиер заедно да ги направиме потребните промени“ рече Заев.
Жителите на Горна Бањица, топло го пречекаа Заев и како добри домаќини во локалната чајџилница го почестија со јак но вкусен турски чај, како што е адетот.
Заев оствари средби и со жителите од гостиварско с. Беловиште. Највозрасниот жител на ова село коментираше пред Заев: денес народот е исплашен, се се работи само со закани и притисоци, мито. Ве молам да го промените ова.
Пред вечерашниот централен настан во Гостивар, Заев оствари средба и со жителите на с. Форино.