Македонија денес е најголемата мизерија во Европа според сите економски индикатори и меѓународни финансиски институции, рече кандидатот на СДСМ за претседател на Македонија Стево Пендаровски на вечерашниот митинг во Охрид.
Ако не се преземат мерки за екононски препород и не се тргне таа стравична партизација, Македонија ќе тоне се подлабoко, вели Пендаровски.
„Србија почнува преговори со ЕУ, Црна Гора има неколку поглавја завршено, Албанија најверојатно во јули добива кандидатски статус. И сите ние ќе бараме и српски и албански пасоши не затоа што поинаку се чувствуваме туку затоа што немаме шанса на друг начин да опстанеме во нашите животи. Затоа демографијата на Македонија кога државата се празни од народот е најголемата закана за стабилноста и безбедноста на Македонија. Ако не се преземат мерки за екононски препород и не се тргне таа стравична партизација, Македонија ќе тоне се подлаобко. Ние немаме слобода, нашиот народ не е слободен. Во делот на човековита права ние сме на дното на Европа. Ние во затвор имаме новинар за изговорен збор, за изречена вистина и тоа го нема никаде во Европа , само во Белорусија. “ кажа Пендаровски
„Ја поминав цела Македонија и ви гарантирам, а тоа го покажуваат и најновите анкети, опозиционото настроение расте, и во овој момент опозицијата води во сите градови и региони во Македонија. Ако успееме да ја повлечеме композицијата на 13, на 27 април само ќе ја завршиме смената на власта која толку долго ја очекуваме. Не станува збор за името на кандидатот, туку станува збор за тоа дали сакаме да ја извлечеме Македонија од оваа кал во која се наоѓа со години и да ја подисправиме. Кај оваа власт не постои концепт за развој на Македонија, туку само концепт за само одржување,“ рече Пендаровски