Алијансата за позитивна Македонија јавува дека денес се одржала “работна средба помеѓу претседателот на АПМ г-дин Љупчо Зиков и американскиот амбасадор Пол Волерс придружуван од политичките аналитичари на амбасада во Скопје. Средбата на која присуствуваше и претседателт на ГО проф. Владо Бучковски и секретарот за меѓународна соработка на АПМ се одржа во пријателска и конструктивна атмосфера на теми поврзани за текот на изборите.
Со амбасадорот Волерс беше разменето мислењето за состојбата на медиумите и критериумите по кои партиите се присутни во медиумите за време на изборната кампања.
Претседателот на АПМ, г-дин Љупчо Зиков пренесе за успешно одржаната конвенција на која беа претставени носителите за изборните единици и кандидатите. Тој истакна дека Коалицијата за Позитивна Македонија од самиот почеток на кампањата забележува исклучително позитивните реакции на граѓаните особено за оние делови од програмата во делот на економијата. Рејтингот на КПМ е видливо зголемен.
Претседателот на ГО проф. Бучковски го нагласи нашето водење на конструктивна кампања со која стануваме убедливо примани од граѓаните заради нивната потреба за коренити политички промени и нови идеи. Тој го потенцираше ставот на КПМ за несогласување со употреба на национализам во говорите за време на изборни кампањи” , вели преку соопштение партијата.