Граѓани на Струга се жалат дека пред влезот на избирачките места стојат комбиња и автомобили со луѓе кои со списоци ги одбележуваат лицата кои одат на гласање. Бело комбе забележавме пред избирачкото место кај Средното училиште „Ибраим Темо“ во Струга во кои имаше лица со списоци во рака. На прашање на НОВА што прават цело време овде и дали е точно дека водат евиденција кои гласал, а кој не негираа. Не сакаа да коментираат ништо повеќе кога им кажавме дека сме новинари.
Исто така граѓани велат дека на неколку избирачки места овластени лица од партии водат евиденција со име и презиме на избирачи кои во тој момент си го вршеле своето избирачко право.
Стружани реагираат и дека мастилото со кое се одбележувал палецот на раката бил лесно бришлив и дека истото го избришале пред очите на членовите на избирачкиот одбор.
„Мастилото кое што се употребува за одбележување на прстот при самото гласање беше избришано на самото место додека гласав со помош на влажна марамица.Истото им го кажав на избирачкиот одбор но не добив конкретен одговор ниту каков било коментар. Сето ова што се случува отвара сомнеж за дополнителни манипулации, изјави Николина Велковска граѓанин на Струга.
Џенгиз Хани претседател на ОИК во Струга изјави дека и до нив пристигнале такви реакции но по проверка на терен во некоои од избирачкото место констатирале дека мастилото не се бриши.
Инаку во Струга излезноста е многу мала и во 15 часот е околу 17,25% односно гласале 10030 гласачи.