„И покрај сите злоупотреби, неправилности и нарушувања на изборниот процес, како и заканите, уцените и притисоците, јасно е дека Битола се буди. Разликата на гласовите помеѓу власта и опозицијата од предходните избори е двојно намалена. Јасно е дека кај граѓаните постои желба за промени“, рече на денешната прес конференција Васко Ковачевски, носител на пратеничката листа за Изборната единица 5.
„Сепак, факт е дека вчера, волјата на народот во Македонија за промени беше брутално угушена. Но, не се предаваме и не попуштаме. Во наредните две недели, ние од опозицијата, заедно со Вас почитувани граѓани, ќе застанеме на браникот на демократијата и слободата. Борбата за промени и нов почеток, за подобра иднина на сите нас – продолжува.
– Пред нас е уште еден изборен круг, каде што почнуваме од нула. На 27-ми април ќе се одржат Претседателски и Парламентарни избори. Да излеземе уште помасовно, да покажеме одважност и храброст и да го довршиме она што заеднички го започнавме и го посакуваме – со нови луѓе, нов концепт, промени за нов почеток во Македонија“, рече Ковачевски.