-Кога станува збор за нашата држава Република Македонија ни треба континуитет, ни треба стабилност и ни треба искуство.
Во овие 5 години можевте да видите за што се борам јас, за што се борат премиерот и сите министри, сите пратеници и градоначалниците. Знаете со какви луѓе имате работа. Знаете дека е проверено! Затоа бараме поддршка да продолжиме по патот што вие го трасиравте. Патот кој произлегува од вашите потреби, и решавање на вашите проблеми. Покажавме дека успехот носи успех на секое поле. И затоа, се радуваме на успесите, на нашите спортисти. На успесите на нашите уметници, нашите пејачи, на успесите на нашите научници.
-Еден од столбовите на мојата програма е токму солидарноста и грижата за сиромашните, старите, болните и лицата со посебни потреби. Солидарноста не е само празен збор, таа подразбира одговорни политичари но и напредна економија.
Вашиот глас за мене, вашиот глас за ВМРО-ДПМНЕ и коалицијата За подобра Македонија е глас за самите вас, за вашите семејства, за вашите општини, глас за Република Македонија. За успешна, напредна и просперитетна Република Македонија.
Овие се клучни избори. На 27 април, вашиот глас одлучува каква Македонија ќе имаме во иднина. Вашиот глас зависи каква Македонија ќе оставиме на нашите деца. Вашиот глас е глас за иднината на Република Македонија. Затоа ве повикувам, на 27 април уште помасовно да излезете и да гласате, да го дадете вашиот глас. Да го засилиме темпото на развојот и успехот на Република Македонија. Да продолжиме со реформите, да работиме за доброто на сите граѓани на Република Македонија. Затоа вие одлучувате.
Интегрален текст од говорот на кандидатот за претседател на ВМРО ДПМНЕ од Крива Паланка