Првиот човек на Државната изборна комисија, Александар Даштевски изјави дека две општини ќе ја повторат целата изборна постапка.
– Во две општини, Центар Жупа и Маврово и Ростуше, поради неисполнување на законскиот услов на 1/3 од запишаните гласачи да излезат на гласање, ќе се повтори целата изборна постапка член 132 став 2 од Изборниот Законик, рече Даштевски.
Тој информираше дека ДИК во изминатите 24 часа работеше непрекинато на прием, контрола и обработка на оригиналните записници од сите избирачки места низ државата. Гласачките ливчиња прво биле прегледувани во Општинските изборни комисии, па во Државната изборна комисија, па потоа резултатите се објавија и на веб – страницата на ДИК. Даштевски кажа и зошто овој процес одеше бавно.
– Процесот на примопредавање на изборниот материјал, вклучително и записниците за резултатите одеше во поспора динамика од вообичаено, од неколку причини – нов состав на избирачките одбори и Општинските изборни комисии, на чии членови ова им беше прво искуство на спроведување на избори. Овој изборен материјал, особено кога станува збор за градот Скопје, кој требаше да биде прегледан со записник од избирачките одобри на Општинските изборни комисии, изјави Даштевски.