Откриена е пратка од 360 литри млеко „Лагано јутро“, чиј производител е хрватската фирма
Дукат, а за кое постои сомневање дека има зголемена концетрација на афлотоксин М1
потврдија за НОВА во Агенцијата за храна и ветеринарство.
Млекото е пронајдено во еден магацин, а инспекторите веднаш дале налог да се стопира
дистрибуцијата за да не дојде во малопродажба, во продавниците.
Млекото„ Лагано јутро“ е еден двата производи на Дукат кај кои се пронајдени минимални
отстапувања на канцерогениот митотоксин и целата количина што е пронајдена останува во
магацинот на увозникот велат во Агенцијата за храна.
-Станува збор за млеко во пакување од еден литар со 2,8 проценти масленост кое го нема на
рафтовите во продавниците. Нашите инспектори утринава го пронајдоа во еден од
магацините, ја стопираа дистрибуцијата и во понеделник земените мостри ќе бидат испратени на анализа изјави за НОВА, Абдулезел Догани, заменик директор на Агенцијата за храна и ветеринарство.
Инспектори од Агенцијата за храна рано утринава започнаа со контрола во продавниците и
магацините.
Досега во малопродажба не е пронајден ниту еден литар од контаминираното хрватско млеко Дукат и Виндија кои беа повлечени од пазарите на Хрватска и Босна и Херцеговина.
Млекото од хрватскиот производител кое се наоѓа во продажба низ државата ги исполува сите стандарди и се исправни за употреба потенцираат во Агенцијата за храна.