Претседателот Стево Пендаровски денеска ќе биде домаќин на претседателот на Република Полска, Анджеј Дуда, кој престојува во официјална посета на Република Северна Македонија.
Претседателот Дуда, ќе биде пречекан со највисоки државни и воени почести во Кабинетот на претседателот на Република Северна Македонија.
Предвидено е двајцата претседатели да одржат тет-а-тет средба, по што ќе следува пленарен состанок на двете делегации.
Во рамки на официјалната посета на Република Северна Македонија, претседателот Дуда ќе има средби и со претседателот на Собранието Талат Џафери и со претседателот на Владата Зоран Заев.
Пендаровски и Дуда ќе присуствуваат и ќе имаат обраќања на Македонско-послиот бизнис форум што ќе се одржи во хотел Мериот.
Двајцата претседатели ќе положат и венци на гробот на Гоце Делчев во црквата „Св.Спас“.
Во рамки на посетата на претседателот на Полска Анджеј Дуда на земјава, денеска ќе биде одржан македонско – полски визнис форум на коj претставници на компании од двете земји ќе ги разгледуваат можностите за интензивирање на економската соработка.
На бизнис форумот ќе се обратат претседателите на Стево Пендаровски и Анджеј Дуда, по што ќе биде потпишан Меморандум за разбирање меѓу организаторот на настанот Агенцијата за странски инвестиции и промоција на извозот на Северна Македонија и полската Агенција за инвестиции и трговија.
Потписи на Меморандумот ќе стават директорот на Агенцијата за странски инвестиции и промоција на извозот Дејан Павлески и Кржиштоф Пржулуцки, директор на Агенцијата за инвестиции и трговија на Полска.
Целта на форумот е подобрување и зајакнување на соработката на компаниите од двете земји за што присутните ќе имаат можност по завршувањето на официјалниот дел за Б2Б средби, вмрежување и презентации.