Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Како и со кого до парламентарно мнозинство – политичките субјекти дебатата ја префрлаат на внатре-партиски терен

0
By Mirjana on November 20, 2021 НАСЛОВНА, ПОЛИТИКА
СПОДЕЛИ
Facebook Twitter LinkedIn Email
Published: Saturday, November 20, 2021 09:21

Разговорите за влез на Алтернатива во Владата викендов се префрлаат на внатрепартиско ниво – во СДСМ, Алтернатива и останатите коалициони партнери, откако премиерот и лидер на СДСМ Зоран Заев и претседателот на Алтернатива Африм Гаши по вчерашната неколкучасовната средба во Клубот на пратениците рекоа дека конечните одлуки ќе ги донесат во органите на двете партии, и оти разговорите продолжуваат наредната седмица.

Заев, по синоќешната средбата со Гаши, рече дека ќе побара од органите на партијата во вторник да биде свикан Централниот и Извршниот одбор за да се констатира неговата оставка и да почне постапката за избор на нов лидер.

Идниот лидер на СДСМ, според Заев, би требало да биде и идниот мандатар кој ќе ја состави новата влада.

За средбата со Гаши, Заев рече дека им биле соопштени условите под кои понатаму би продолжиле разговорите, и дека останува за време на викендот да размислат и во СДСМ и во Алтернатива, но и кај партнерите од владината коалиција.

– Нашата покана е Алтернатива да биде дел од Владата. Таргетот пред нас се редовни избори, а не вонредни. Продолжуваат разговорите следната седмица. Како нешто ќе утврдиме, така и ќе ја информираме јавноста, рече Заев.

За поделеноста на Алтернатива дали да се влезе во Владата или не, Заев, смета дека е логична, со оглед дека пред само недела дена беа во офанзива или определба да се собори владата.

– Но дефинитивно одговорноста пред државата ги исправува да бидат отворени дебатите и во органите и во телата на Алтерантива за идното нивно вклучување или опстојување како опозиција. Од тој аспект и СДСМ, а и сите други наши партнери ќе треба да ги разгледаме тие важни аспекти за коишто денеска разговаравме, кажа Заев.

Одлуката на Алтернатива, нагласи, на крајот може да биде да влезат, а може и да биде да на влезат.

Претседателот на Алтернатива, Африм Гаши, по средбата со премиерот и лидер на СДСМ Зоран Заев, рече дека имале отворена дискусија за тоа како мнозинството ја гледа Алтернатива, но дека за двете опции кои се пред нив – поканата за членство во Влада или да остана опозиција, ќе дискутираат на органите на партијата врз основа на аргументи.

– Имавме отворена дискусија и јас сум убеден дека ќе ја донесеме најдобрата одлука за сите нас, изјави Гаши.

Алтернатива, нагласи Гаши, имајќи ја предвид сериозноста на политичката ситуацијата во земјата, има обврска да го види концептот на Заев на кој начин може да се надмине оваа криза и како мнозинствотото гледа на Алтернатива.

– Како претседател на Алтернатива, јас имам обврска да ги разгледам двете опции. Првата опција е приклучување на парламентарното мнозинство, а втората опција е да продолжиме со опозицијата. Двете опции ќе ги дискутираме на органите на партијата врз основа на аргументи, што е подобро за интересот на земјата, граѓаните, Албанците и секако на Алтернатива, изјави Гаши.

Претседателот на ВМРО-ДПМНЕ Христијан Мицкоски, пак, во вчерашното гостување на „Утрински брифинг“ рече дека Зоран Заев и СДСМ во моментот немаат парламентарно мнозинство.

– Владата во моментот ја поддржуваат 59 пратеници. 60 се тие кои што не ја поддржуваат и еден имаме кој што не знаеме, е лево – десно, со срцето бил ваму, со главата бил таму. Во суштина мислам дека е сериозно заседнат во некоја фотелја или на Бихаќка или во Мала Речица, изјави Мицкоски.

Со господинот Африм Гаши, Мицкоски рече дека се во постојана комуникација и дека, според него, имаат коректен однос.

– Така што, немам никаква дилема. Другото е до него и неговиот избор. Сепак, тој е претседател на политичка партија, има своја структура и свои соработници и тие ќе одлучат понатаму како да ја градат својата политичка иднина, истакна Мицкоски.

 

Политички дијалози
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.