Неколку американски конгресмени од Комитетот за надворешни работи на Претставничкиот дом, му напишале писмо на бугарскиот амбасадор во САД, Тихомир Стојчев со заложба да се реши билатералниот спор меѓу Република Северна Македонија и Република Бугарија.
Со ова сметаат конгресмените, ќе и се овозможи на Северна Македонија пред крајот на оваа година да ги почне преговорите со Европската Унија.
– Се надеваме дека ќе ги ставите разликите настрана и ќе поддржите целосна политичка интеграција на Северна Македонија и Албанија во Европската Унија, се вели во дописот на конгресмените до бугарскиот дипломат во САД.
Конгресмените навеле дека со ваквиот потег на Бугарија се поткопувале напорите на западните лидери но и дека можело да отвори врата за јакнење на антизападните политички влијанија во регионот, конкретно од Кина и Русија, навеле конгресмените во писмото до бугарскиот амбасадор Стојчев.
Објавата на својот твитер налог за оваа активност ја објави конгресменот Bill Keating, а на неа биле потпишани конгресмени со Демократска и Републиканска политичка провиниенција.
Today my colleagues and I sent a letter to the Bulgarian Ambassador to the US, Tihomir Stoytchev, urging #Bulgaria to find a resolution to the dispute that is preventing #NorthMacedonia and #Albania from starting #EU accession talks. Read our letter: @EmbassyBGinUSA @EUintheUS pic.twitter.com/uIOTBeXTWz
— Congressman Bill Keating (@USRepKeating) November 18, 2021