Централното Претседателство на Алтеративо одлучи лидерот на оваа партија, Африм Гаши прво да разговара со актуелниот премиер и лидер на СДСМ, Зоран Заев, како и со евентуално идниот мандатар, за да се видат позициите на СДСМ во однос на тоа дали ќе има волја за заедничка програма на Владата. Ваквата одлиука, како што информираа од Алтернатива, е донесена бидејќи земјава се наоѓа во длабока политичка, економска, енергетска и здравствена криза.
– Во меѓу време чекајќи го датумот за почеток на преговорите со ЕУ, овој ќорсокак произведе многу неизвеснот не само на политички, туку и на економски план. Откако ја согледавме правилно оваа ситуација, Алтернатива како сериозна политичка партија, која од секогаш знаела да се издигне од над сопствените интереси во корист на општите и национални државни интереси вечерва разговараше за можноста и помошта што може да ја даде за откочување на оваа ситуација, изјави портпаролот на Алтернатива, Орхан Муртезани.
Од Алтернатива додаваат дека конечната одлука за тоа дали ќе влезат во Владата или пак не, ќе одлучат на Централното Собрание на партијата, но сето ова зависи од тоа како ќе се одвиваат преговорите со евентуално идниот коалиционен партнер.
– Треба да им дадеме шанса на стабилноста и контиунитетот за да може земјата да се надева на датум за почеток на преговори со Европската Унија. Централното Претседателство на партијата, го овласти претседателот да комуницира со сите политички актери, во случајот со актуелниот премиер, но и со евентуално новиот мандатар за да се види каков е нивниот концепт за излез од оваа криза. Ќе ја слушнеме нината верзија верзија за решавање од овој грч, ќе видиме дали има волја за заедничка влада и дали има волја во име на овие цели актуелните владини партнери да се откажат од дел од својота моќ за да се создаде рамнотежа во власта. Сепак, од сега се зависи од тоа како ќе се разговара и што ќе се договори, рече Муртезани.