New York Times објави анкета на фаворитите на Светското фудбалско првенство во 19 земји чии екипи ќе играат во Бразил. Во анкетата исто така се опфатени и екипите кои овие земји не сакаат да ги видат како победници.
На прашањето “кој ќе победи?”, 16 од 19 земји одговориле дека победникот е Бразил. Во најголемиот број земји нивната екипа е ставена на второ место. Во Франција 11 отсто на пример сметаат дека нивната земја ќе биде втора. Наспроти нив, Англичаните, Грците, Мексиканците и Јужно Корејците се уверени дека нивните екипи нема добро да се пласираат.
Најголемите оптимисти се Аргентинците и Шпанците, уверени дека нивните екипи ќе бидат шампиони. Нивниот оптимизам е се чини оправдан бидејќи овие две земји се на списокот на фаворитите на шампионатот.
Но и 14 отсто Американци се уверени дека нивната екипа ќе биде победник. Според француското издание на Хафингтон Пост, овој резултат не смее да ве изненади со оглед на тоа што Американците се големи патриоти и истовремено имаат слаби познавања од спортот.
На прашањето “за која екипа вие ќе навивате?” одговорите се засновани на спорт но и на геополитика. Жителите на пет земји, помеѓу кои Русија и Мексико, не сакаат да ги видат Американците како победници. А на три земји – Бразил, Коломбија и Чиле – не им се допаѓа идејата за победа на Аргентина. Германија, Холандија и Шпанија не сакаат победник да биде Иран.
Аргентинците не ја поддржуваат екипата на Англија. Што не изненадува со оглед на конфликтите помеѓу двете земји во историјата како на пример војната на Малвините во 1982 година.
Французите не сакаат победа на Алжир но и на Франција, уверени дека нивната екипа не е доволно добра.
Јапонците и Јужно-Кореанците не се поддржуваат во фудбалот, а Грците сметаат дека спортскиот малер треба да падне врз Германија и САД. Бразилците очигледно имаат нешто против нивните соседи Аргентинци. А дури 6 отсто Бразилци сметаат дека нивната сопствена екипа не треба да победи.
Според интересот за фудбал, на чело на земјите кои ќе ги минат наредните седмици пред малиот екран се Колумбијците каде само 6 отсто жители рекле дека нема да гледаат фудбал. А во САД ситуацијата е обратна: дури 60 отсто Американците не покажуваат никаков интерес за овој спорт и шампионатот.
За оние кои знаат англиски, еве го линкот кон анкетата на американскиот весник: