Наместо 12 како што првично беше предвидено со проектот за возообновување на Светиклиментовиот Универзитет, на Плаошник ќе има само шест објекти и истите ќе бидат со еден кат помалку од она што беше утврдено како првична идеја.
Дел од забелешеките се на мисијата на УНЕСКО кои пред неколку месеци беа во посета на Охрид и обиколка на Плаошник и стариот дел на градот. Министерската за култура Елизабета Канческа – Милевска при посетата на Охрид рече дека се што се прави на Плаошник е во согланост со сите европски и светски законски процедури.
-Согласно заклучоците и координативниот состанок кој го имавме со мисијата на УНЕСКО се договривме во самиот комплекс да има 6 објекти.Од нивна страна беа дадени препораки висината на овие објекти да се намали за една катна висина. И пред да дојде мисијата овде ние сакавме да им покажеме како би изгледале објектите со една катна висина намалени.Се усогласивме со УНЕСКО и ние сметавме дека тие препораки се прифатливи за самиот проект и за самиот визулен поглед од објектот кон Охридското езеро, рече Камчевска.
Камчевска додаде дека нема никаква закана по статусот на Охрид како град заштитен под УНЕСКО.
-Ги исфрливме и тие стаклени површини кои претходно ги имавме затоа што штрчеа во самата архитектира и отскокнуваа од самите објекти.Сега со новите измени добивме комплетна слика на еден амбиент кој кога ќе се возообнови ќе биде за почитување. Препораките се прифатени и УНЕСКО е задоволен од она што го сработивме.Ги видоа нашите нови проекти и нема никаква дилема. И кога дојдоа во Охрид не стануваше збор дека ќе бидеме избришани од листата на Унеско и до такво нешто не дојде.Заедно со Унеско ги дефиниравме сите работи, а наша делегација беше и во Катар за да каже дека ги прифативме препораките и сега имаме најпозитивна оцена од Плаошник, рече Тања Паскаи Бунташевска, директор на Музејот во Охрид.
На Плаошник во моментот се градат дел од објектите каде треба да бидат сместени резиденцијалниот објект на МПЦ,манастирскиот комплекс, библиотеката, музејот и центарот за хуманистички науки. Се очекува целиот комплекс да биде готов до почетокот на 2018 година.Првичната оценка и коментар на охриѓани дека она што се гради на Плаошник ни одалеку не одговара на целиот амбиент.
За она што се гради на Плаошник во изминатиот период имаше многу партиски рекации и рекации од експертската јавност.
-Доколку такви објекти се внесуваат во едно такво историско јадро, тогаш особено се внимава на нивниот габарит, односно на тоа колкав простор зафаќаат и на нивната височина. Во овој случај габаритот и просторот кој го зафаќаат тие објекти не одговараат на целата ситуација. Поголем проблем е што генерално Охрид го губи тој статус бидејќи стариот дел на градот со старата архитектура со околината на објектите е веќе тотално уништена и остава впечаток на евтин туристички комплекс, вели Чаусидис.