На патот од Тетово кон селото Ѓермо , попладнево се појавил пожар кој за среќа и благодарение на брзата интервенција на противпожарната единица , бил локализиран и спречен да предизвика поголема штета,
Ука Алити, командант на тетовската противпожарна единивца за дел од медиумите информира дека примиле дојава и прво што виделе кога се упатиле кон местото, бил густ црн чад.
-По дојавата одејќи кон локацијата видовме дека има густ црн чад, а таму видовме дека станува збор за запалени дваесетина автомобилски гуми ставени на едно место. Неколку од гумите се стркалале бидејќи местото е стрмно и започнал и шумски пожар, што зафати дрвја. На тоа место можевме да одиме само со теренско возило и само тројца пожарникари, но успеавма да го изгасаиме огнот за четириесетина минути, изјави Алити , пренесува МИА.
-Веднаш штом го изгаснавме пожарот со гумите, гасневме пожар во источниот дел од Тетово близу плинарата, а потоа и два пожари во близина бензинска пумпа во Порој. Една екипа со четири пожарникари гаснеше пожар и во Вратница на отворен простор во близина на амбулантата. Во 18 часот ни дојде дојава дека има и пожар долж автопатот Тетово-Скопје кон Желино каде имаше запалено меѓи и стрништа, информираше Ука Алити.
(МИА)